HLAHEI 116 - LEKHARABU INTHENG (BSI)

Thina Inphut Huksōt Mi Inkhat in Pathen Achoi ka-ânna

¹ Rōngpu kha kamalung kase, ajârchu kaṭong hri athei pek eng; kaderna arangei pek eng.

² Ke’n ama kabek akaia, ama’n arangei pek eng.

³ Thina inrengna khan akake khum eng; thlânkhur ṭitna khan ahei hnai eng; ṭitna leh inngam makna khan kasip sō eng.

⁴ Khava pha ke’n Rōngpu kabek, “O Rōngpu, kangek che, ahuk roh.”

⁵ Rōngpu kha maritna kasip khana kaṭha; ni-Pathen chu lungset kathem kae.

⁶ Rōngpu’n inthōpui kaneimak hei ahrung hei; Inrimna shunga ka-omlai, ama’n ahuk eng.

⁷ Kamalung inngam roh, ajârchu Rōngpu kha kei sik hingtuk hrep kaṭha jo.

⁸ Rōngpu’n kei thina inphut ahuk manhring jo eng; kahmit rathli ahni pek eng; khana mihe’m amantor mak hei.

⁹ Kha achang jâra akahring hei raleichunga hin, Rōngpu hmaikunga kei akalônle eng kae.

¹⁰ “Pui katluk a avōk kahrop cher jo eng,” kati jo’num, kataksen ṭhak a kae,

¹¹ kei kaṭi enga hinga, “Tûte taksen sik om mak,” kalei ti’num kataksen ṭhak a kae.

¹² Rōngpu kha kei hneng aṭhatna rakip jâra heimo kapek tor sik?

¹³ Kei ahuksōt jâr enga amanpâkna sik Rōngpu hneng vomhrui ju inthoina katōk sik.

¹⁴ Ami rakip hei intûpna shunga khan kalei intepna kha ahnenga kapek sik.

¹⁵ Rōngpu kha ami inkhat athi pha, heituk a amalung akana mo!

¹⁶ O, Rōngpu, kei nasōk eng kae; kanu tatlo kapōa, ke’n nang karazen che. Nang in thina inphut nahuksōt eng.

¹⁷ Ke’n manpâkna kha inthoina inkhat a kapek sik che. Khana kaderna kha nahnenga katōk sik.

^18-19 Nami rakip hei intûpna shunga nabek-inn, Jerusalem sumpuk a, ka’ntepna kha kapek sik che. Rōngpu kha choi ka-ân ruh.