HLAHEI 114 - LEKHARABU INTHENG (BSI)

Rakan Kût Hla

¹ Egypt kha Israel mihe’n andahlon pha, Jacob sōn leh pâr he’n mihei ram kha andahlon pha,

² Judah kha Rōngpu mi intheng hongkachang jo, Israel kha ama karōi hongkachang jo.

³ Tuipui Kasen khan a-enna katlânsōt jo, Jordan tuidung kha alōng kabâng jo.

⁴ Kehei kapōa tlângbunghei kha inchôm hei; kemōnghei kapōa hmebunghei kha inthok hei.

⁵ Heimo kati che, tuipui nang, akatlânsōt jo che? Khana Jordan nang heisa mo akalōng mak jo che?

⁶ Tlângbunghei heisa mo ke kapōa a’nchôm chei? Hmebunghei heisa mo kemōng kapōa a’nthok chei?

⁷ Jacob Pathen hmaikunga, Rōngpu kha ajōng pha raleichung nang innok roh

⁸ hlungpui kha tuikhur inchangpa, khana hlungkare kha tuiripût kalōng inchangpa ama kha kae.