HLAHEI 113 - LEKHARABU INTHENG (BSI)

Rōngpu Ṭhatna Choi ka-ânna

¹ Rōngpu kha Choi ka-ân ruh! Nangni Rōngpu sōk-hei, arahming kha choi ka-ân ruh!

² Tûnum ahei tik a’m arahming kha choi ka-âna om rasoh.

³ Nisōa inphut tlaitlâk katlung, Rōngpu rahming kha choi ka-ân ruh!

⁴ Rōngpu’n jât rakip chunga vai arôn; alûrna kha marvân chunga ka-om.

⁵ Ni-Rōngpu Pathen kapō tûte inkhatbek om mak, ama chu chung inshânga ka-om,

⁶ tâk ama jōng inkuna marvânhei leh ralei ajōng en hei.

⁷ Sarahei kha vaiphin kâra inphut akei mathōihei, akatlasam hei kha ankhōdeng theina inphut akei manngir hei

⁸ khana anmani kha rengsahei leh sap amanchang hei, amipuihei kha rengsahei leh amanlengsap hei.

⁹ Inna ka-om akaching nuhmei kha kajana anei; sahei amanneia mikahōi amanchang. Rōngpu kha choi ka-ân ruh!