HLAHEI 111 - LEKHARABU INTHENG (BSI)

Rōngpu Choi ka-ânna

¹ Rōngpu kha choi ka-ân ruh! Amipuihei intûpna khan kamalung pumpui vâng Rōngpu kha kamanpâk sik.

² Rōngpu ṭōntlo kha heituk a inlak jo hei mo! Khava indu rakip hei khan khavakha manhretna sik antlo.

³ Atlo heirakip kha kajana leh lûrna kasip hei; adikna hei kha kumleikōa sik kae.

⁴ Rōngpu ṭōntlo inlak heirakip kha nimahngina sik a tlomak; ama hi lungset leh marit kha kae.

⁵ Ama kajana kapek hei sik a sâk leh in amantluk pek hei; aṭongtep kha mahngi hêrmak.

⁶ Mihlop-hei ram, amihei hneng apek heia arathahrat kha amalâr.

⁷ Atlona rakip heia khan taksenthei leh akadik kachang; aṭongpek rakip kha inhngatna thei kae.

⁸ Khahei kha pha rakip a ka-om ṭhak hei; khahei kha akadik leh a’nthenga a’npek hei kae.

⁹ Ama’n amihei amasōsōt hei khana kumleikōa intepna aneipui hei. A’ntheng leh akahrat hi ama kae!

¹⁰ Singna sik a hlam khachu Rōngpu kajana pek hi kae; aṭongpek kajui rakip hei chunga ama’n ṭong kadik a atan. Ama hi kumleikōa choi ka-ân sik kha kae!.