HLAHEI 108 - LEKHARABU INTHENG (BSI)

Inrepuihei Torna sik Derna

¹ Pathen, kei katluk a inngamna kanei jo! Ke’n hla kasak sik khana nang kamanpâk sik che! Karathla thōi roh!

² Kaṭingṭang leh kaserângdâr hei, thōi ruh! Kani kha ke’n kamathōi sik.

³ Jât-hlop hei kâra kamanpâk sik che, Rōngpu. Mipui kâra ke’n nang kachoi ka-ân sik che.

⁴ Nalungset inthlengmak khan marvânhei aphâk a; taksenthei nachangna khan bōirōk katlung.

⁵ Pathen, nalûrna kha bōirōk a nalûrna kha raleichung rakip a malâr roh!

⁶ Nalungset mihei kha huksōt anchang theina sik a nahratna vâng huk hei roh; kaderna che amasôn roh,

⁷ Ahmun inthenga inphut ajōng hri, “Torna leh inṭhōia Shechem kha kasemṭhen sik khana Sukkoth phai kha kamihei kasem pek sik hei.

⁸ Gilead leh Manasseh hi’m kata hei kae; Ephraim hi kare thirlukhu kae khana Judah hi kareng khōnghre kae.

⁹ Tâk-kha Moab kha pōnsôp thlenga kahmang sik khana Edom kha kakekōk manhngamna kahmanga kata achangna mêrchîkna kamalâr sik. Philistihei chunga torna hrenhla ka-ông sik eng.”

¹⁰ Khōpui rekur shunga tu’n mo kei aṭhōi sik eng? Tu’n mo Edoma khan aṭhōi sik eng?

¹¹ Nang in kadiktak a nahlon sōt jo ung mo? Kanremihei leh a’njôk puisap mak tin che mo?

¹² Kan-inrepui kadōia eibôm roh; ajârchu mihring tabôm hichu hnemna kase kae.

¹³ Pathen kha kanlangting a’nṭang inchu keini’n kantor sik. kan-inrepuihei kha ama’n atorpek sik ung.