A’NPHUTNA 10 - LEKHARABU INTHENG (BSI)

Noah Sapahei Sōn leh Pâr

¹ Hihei hi Noah sapahei sōn leh pârhei kae: Shem, Hem, khana Japheth. Hihei hin tuishâng lensōa sapa anleinei hei.

² Japheth sapahei: Gomer, Magog, Madai, Javan, Tubal, Meshech leh Tiras – hihei hi anrahming karôn mipuihei pusōnhei kae.

³ Gomer sōn leh pârhei kha Ashkenaz, Riphath leh Togarma mihei kha kae.

⁴ Javan sōn leh pârhei kha Elisha, Spain, Cyprus, leh Rhod mipuihei kae;

⁵ anmani hei hi tuipanga leh tuikekhuma aleika-om mipuihei pusōnhei kae. Hihei hi phung leh ram khana ṭong hlop-hlop kajôm Japheth sōn leh pârhei kha kae.

⁶ Hem sapahei kha: Cush, Egypt, Libya leh Canaan – hihei hi an-rahming karôn mipuihei anpu sōnhei kha kae.

⁷ Cush sōn leh pârhei kha Seba, Havilah, Sabtah, Raamah, leh Sabteca mipuihei kha kae. Raamah sōn leh pârhei kha Sheba leh Dedan mipuihei kha kae.

⁸ Cush hin Nimrod inti sapa inkhat aleinei, ama kha raleichunga ahma kakeipen re kahrânga ram kahlōtor leikachang.

⁹ Rōngpu inthōpuina jâra shakahnong kahrattak leikachang. Ama chungchânga mihe’n ṭongchîk hing’hin, “Nimrod kapōa Rōngpu’n shakahnong kathemtak manchang che rasoh,” tina leika-om.

¹⁰ Hmapena ama rengram kha Babylon, Erech khana Accad katlung kae; hiva 3 hei hi Babylon ramtlâk shunga hei kae.

¹¹ Khava ram a inphut ama’n Assyria ram a inthona Nineveh, Rehoboth Ir, Cala,

¹² leh Resen khōpui hi Nineveh leh Kala khōpui kalen kâra aleisyemsōt a kae.

¹³ Egypt sōn leh pârhei kha Lidya, Anam, Lehab, Naphtu,

¹⁴ Pathrus, Casluh leh Crete mipuihei hi kae. Hihei hinna inphut Philistihei kha ahong kasōk hei kae.

¹⁵ Canaan sapahei: upapen Sidon leh Heth kae — anmani rahming karôn mipuihei pusōnhei kae.

¹⁶ Canaan hi Jebush-hei, Amorhei, Girgash hei,

¹⁷ Hivhei, Arki hei, Sini hei,

¹⁸ Arvadi hei, Zemari hei, khana Hamathi hei pu leh pa kae. Phung hlop-hlop Canaan sōn leh pâr he’n ram kalentak a inthek chai hei,

¹⁹ Sidon tlaitlâk a inphut Gaza hnenga Gerar ramri katlung khana nisōting Sodom, Gomorrah, Adma leh Lasha hnenga Zeboiim katlung kae.

²⁰ Anmani hi Hem sōn leh pârhei kae, ram hlop-hlop a ka-om heia jât hlop-hlop kachang jo hei, ama ama rup in anṭong et anjôm jo.

²¹ Japheth upa Shem kha Hebrew rakip hei hong inthokna anpusōn kae.

²² Shem sapahei: Elam, Asshur, Aprakhshad, Lud leh Aram–anrahming karôn mipuihei anpu sōnhei kae.

²³ Aram shahei Uz, Hul, Gether leh Meshek mipuihei kae.

²⁴ Aber pa kha Shelah, Shelah pa Aprakhshad kae.

²⁵ Eber in sapa 2 anei: inkhat kha Peleg anphō, ajârchu ama khanga raleichunga mihei hi insemṭhen hei; khana alak inkhat kha Joktan tia arahming anphō.

²⁶ Joktan sōn leh pârhei kha Almodad, Sheleph, Hazarmaveth, Jerah,

²⁷ Hadorama, Uzal, Diklah.

²⁸ Obal, Abimael, Sheba,

²⁹ Ophir, Hivila, leh Jobab mihei kha kae. Hihei hi Joktan sōnhei kae.

³⁰ Anmani khō leisyemna ram khachu Mesha inphut nisōtinga chingrama Sephar katlunga kae.

³¹ Hihei hi Shem sōn leh pârhei, ram hlop-hlop a jât hlop-hlop kachang heia, ama ama rup ṭong et anjôm jo.

³² Hiva mihei seng hi Noah sōn leh pârhei kae; jât inkha-khat a anpa anpusōn dungjuia a’npe kae. Raleichunga jât rakip hei hi tuishâng lensōa Noah sōn leh pâr heia inphut ajōng kakōn hei kae.