Taeka n Rabakau 28 - Te B'aib'ara

E Reke te Wanawana n Ana Tua te Atua

¹ A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

² N tain te bubuaka ao a nang m'aiti taani kairiri, ma te tia kairiri ae iangoraoi e kawakina te tua ma taian kaetieti.

³ Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

⁴ E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

⁵ A aki ataa te babaaire ae eti aomata aika taani bure, ma a atai raoi aomata aika a karinea te UEA.

⁶ E raoiroi riki te maiu ni kainano ma te maiu ae e raoiroi, nakon te maiu ni kaub'ai ao karaoan ae e aki riai.

⁷ Bon te waaki ni wanawana te ongotaeka nakon ana Tua te Atua, ma ko kamamaaeia am karo ngkana ko iraorao ma aomata aika akea manenaia.

⁸ Ngkana ko kareerekea am m'ane man kabuuburaan am raka, ao ane e na bua ni kabane nakon temanna ae e tararuaia aika a maiu ni kainano.

⁹ E aki konaa ni kukurei te Atua n ongora aia tataro aika a aki ongotaeka nakon ana Tua.

¹⁰ Ngkana ko kairiia aomata aika a raoiroi nakon te bure, ao ko boni kena iai te m'anono bon i bukim, ma akana a raoiroi maiuia a na raneanea aia bong aika a na roko.

¹¹ A iaiangoia aomata aika a kaub'ai b'a a na rietaata, ma e na nooraki aia iango iroun te aomata ae e maiu ni kainano ae e iango raoi.

¹² E na karaoaki te bootaki ni kukurei ngkana e tokanikai te aomata ae e raoiroi; ma e raoiroi riki ngkana ti karabaira ngkana e tautaeka te aomata ae e aonikai.

¹³ Ngkana ko aki raraoma n am bure, ao e na aki koro bukin am iango. Ma e na akoiko te Atua ngkana ko kab'araa am bure ma n aki manga okiri.

¹⁴ E kakab'aiaia aomata nako te UEA akana a maaku ni karaoa ae e buakaka, ma tokim te reke n te kabuanib'ai ngkana ko iowawa.

¹⁵ Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

¹⁶ Bon te nanobaba te tia kairiiri ae akea ana atatai, ma e na ab'ab'aki maiun ane e rawa ni karekei kaub'aina man aonikaiaia aomata.

¹⁷ Tai buokiia taan tiriaomata! Katikuia ni bon aia waaki ni kabane bongin maiuia.

¹⁸ E na kaawakiniko te raoiroi, ma a na bane ni b'aka aomata nako akana a aonikai.

¹⁹ M'akuri korakora ao ane e na rawata kanam; te kabane tai, ao a na m'aiti am kangaanga.

²⁰ E kakab'aiaia ana aomata aika a kakaonimaki te Atua, ma e katuaaia ni kabane akana a tangiria ni kan riki ni kaub'ai n te tai ae e waekoa.

²¹ E bon aki raoiroi b'a ko na karaoa ae e aki riai, ma tabeman a konaa ni karaoa te kamaraato ti n te m'akoro ni kariki ae e uarereke.

²² Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

²³ E butim'aeaki riki te reirei ae e raoiroi nakon te kamoamoaaki.

²⁴ Ngkana ko aonikaia am karo ma n aki tabeakina am kaairua, ao bon te kimoatoo ngkoe.

²⁵ A kareerekea te kangaanga aomata aika a ti iaiangoia i bon irouia, ma e na teetekeraoi maium ngkana ko onimakina te UEA.

²⁶ Bon ti nanobaba aika a onimakin aia iango n ti ngaiia, ma ngkana ko maiu ni wanawana, ao ko na karaoa ae te raoiroi ni kabane.

²⁷ E na kaawakiniko man te maiu ni kainano te angab'ai nakoia aika a maiu ni kainano, ma ngkana ko kamatuua matam nakon kainanoia ao ane a na kamaraiako aomata ni kabane.

²⁸ Ngkana a tautaeka aomata aika a aonikai, ao a na bane aomata ni kataia ni karabaia, ma n te tai are e b'aka iai m'aakaia, ao a na kaoti aomata aika a raoiroi n taabo nako.