Taeka n Rabakau 26 - Te B'aib'ara

Tai Nanobaba

¹ Karinean te nanobaba kaanga kaantaningan te tinoo n te aumaiaki ma te karau n tain te m'auteretere.

² Te kamaraia ae bon tiaki mwiin am m'akuri e na anai baina ni kiba ma ni kiba nako kaanga te tibaro ke te tuwaaro.

³ A na riai n oreaki ao ni bweenaki te aoti ma te aati, ao ai uana naba ma taian nanobaba

⁴ Tai kananobabako i bon iroum ni kaekaa te nanobaba.

⁵ Ma ngkana ko kaeka te nanobaba, ao kaeka n te kaeka ae e nanobaba, ao ane e na ataia iai b'a e aki wanawana riki nakoim.

⁶ Kanakoan te rongorongo iroun ae e nanobaba kaanga ai aron ae ko bon korea waem ao ko nima te boitin.

⁷ Kaanga ai aron te anterobe ae e aki konaa ni kam'akuri waena ana taeka ni wanawana te nanobaba.

⁸ Ko nang karinea te nanobaba? E aera ngkai ko aki kabaea ni kakooa am kanoa ao ko a bana?

⁹ Akea bonganan te taeka n rabakau ae e nako man wiin te nanobaba, b'a kaanga ai aron te kai ae e kateketeke ae e niroaa bain te tia mooi manging.

¹⁰ E aki tabe te aba ma katebeaia taani m'ananga ni kabane aika a rirarikim nakon ae ko kaboia ni kam'akuriia te koraki aika a nanobaba.

¹¹ A okira mumutaia kamea ni manga kanna, kaanga ai aroia nanobaba ni kaokioki nanobabaia.

¹² Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

¹³ Tai kaakangai, “Iai te raian i tinaniku!” i bukin taningarotim.

¹⁴ E minomino te mataroa i aon ana intiti, ma te aomata ae e taningaroti e rarairairia i aon ana kainiwene.

¹⁵ Bon iai naba i buakora aika a rangi n taningaroti n te aro are a aki konaa naba n tabeki baiia ni karei wiia i bon irouia ngkana a am'arake.

¹⁶ E taku ana taeka te aomata ae e taningaroti, “I wanawana riki nakoia aomata ni kabane.”

¹⁷ E raoiroi riki ngkana ko taui taningan te kamea ae e baba nakon ae ko na ira buakon te meremere ae akea am b'ai iai.

¹⁸ Ko aki taraa ni baba riki ngkana ko katebea nako te kanoa ni katebe ae e ura ae e kakang

¹⁹ nakon ae ko na kam'aneia aomata ni keweia ao ko a manga kaangai, “I boni manikangare.”

²⁰ Ngkana akea te b'a ao e mate te ai; Ngkana akea te b'ab'arantiko ao e na toki te ngurengure.

²¹ A karikirakea te kiriwe taani kakiriwe, kaanga ai aron te tib'aake ao te b'aa aika a karekea te ura.

²² Bon akea riki te b'ai ae e kangkang nakon te b'ab'arantiko! e rannako i nanon te wii.

²³ Karabaan iango ni kairiribai i akuun taeka aika a raraoi te taetae bon ai aron ae ko rabuna aon te b'aata n te tano ni mannangin te tirewa.

²⁴ E karabai riki iango ni kam'ane ana taetaenikawai aika karewerewe te kairiribai

²⁵ nakon ae e konaa ni warekaki ma ngaia ae, tai kakoaua te taeka!

²⁶ A na bane aomata n noora nanon iango ni kam'ane akanne.

²⁷ Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

²⁸ Tarataraia raoi akana a tataekina te kewe ma te karang a otinako b'a a na raweiko.