Karikani B'aai 37 - Te B'aib'ara

Ioteb'a ma tarina

¹ E teimatoa ni maeka Iakob'a n te aba are Kanaan, are te aba are e maeka iai ngkoa tamana,

² ao aio karakinan ana utu Iakob'a. Ioteb'a, bon te ataei ni mm'aane ae tebwi ma itiua ana ririki, ao e kakawakiniia ana tiibu ma ana kooti tamana, ngaia ma tarina ake natin Nei Birea ma Nei Tireba aika buu ni kewe iroun tamana. E tua aia bure tarina akekei nakon tamana.

³ Ao e tangira riki Ioteb'a teuare Iakob'a nakoia natina mm'aane ake tabeman, i bukina ngke bon te nati ni kara. Ao e karaoa naba ana kunnikai ae m'arairai baina, ae bati matana.

⁴ Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

⁵ Ao e mii Ioteb'a n te tai teuana, ao ngke e tuangiia tarina, ao a manga rangi n riribaia riki.

⁶ Ao e taku nakoia, “Kam na ongora miiu are I miia.

⁷ Ti bane ni mena n te tawaana ni kabaebaei taian b'ab'ati n uita, ao e a ti teirake naba au b'ab'ati n uita n eti nako eta. Ao ami b'ab'ati, a katobibia au b'ab'ati, ao a bobaraaki nako ina.”

⁸ Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

⁹ Ao e a manga mii riki Ioteb'a, ao e a manga tuangiia naba tarina, ao e taku, “I a manga mii naba, ao I noora taai ma nam'akaina, ao itoi aika tebwi ma teuana aika bobaraaki nako iu.”

¹⁰ Ao e tuanga naba tamana miina arei, ao e takuia tamana, ao e taku: “Tera te mii ae ai aron anne? A nang bobaraaki tamam, tinam, ao tarim nako im?”

¹¹ Ao a bakantang tarina i rouna, ma e tabetabe nanon tamana n te b'ai arei.

Kabonakoan Ioteb'a, ao uotakinakoana nako Aikubita

¹² Ao n te tai teuana ngke a tia n nako tarin Ioteb'a nako Tekem ni kam'arakei ana nanai n tiibu tamaia

¹³ Ao e taku Iakob'a nakon Ioteb'a, “I tangiria b'a ko na nako Tekem n te tabo are a kaawakiniia maan iai tarim.” Ao e taku Ioteb'a, “I tauraoi.”

¹⁴ Ao e taku tamana nako ina, “Naako nooria tarim ma aia nanai ni man b'aa uara; ao ko a manga oki n tuangai.” Ma ngaia are, e kanakoa tamana man te M'arua are Eberon. Ao e a roko Ioteb'a i Tekem

¹⁵ ao e tabe ni m'am'ananga i nanon te aba arei, ao e nooraki iroun te mm'aane temanna, ao e titirakinna, “Tera ae ko a boni kakaea?”

¹⁶ Ao e taku Ioteb'a, “I tabe ni kakaeia tariu aika kaawakina aia nanai ni man. Ko kona tuangai b'a a mena ia?”

¹⁷ Ao e taku te mm'aane arei, “A tia n nako. I ongo b'a a taku b'a a na nako Totan.” Ao e nako Ioteb'a n rimwiia tarina ao e noriia i Totan.

¹⁸ Ao a nooria ngke e mena i kiraroa, ao i m'aain rokona i rouia, ao a baairea kam'aneana ma tiringana.

¹⁹ Ao a taku i marenaia, “E a roko te tia mii.

²⁰ Nako mai b'a ti nang tiringnga ngkai ao ni karenakoa rab'atana i nanon te m'anib'a teuana ae m'auteretere. Ao ti na taekinna b'a aongkoa e tiringaki i rouia maan ni kaakang. Ti na bakan noora ngkanne baike miina akekei.”

²¹ Ao e ongo Reuben, ao e kataia ni kamaiua Ioteb'a, ao e taku,

²² “Ti na aki tiringnga ma ti na karenakoa nako nanon te m'anib'a teuana n te rereua aei, ma tai kaikoakia.” E taekina aei b'a e iangoa kamaiuana mairouia ma ni kaokia nakon tamana.

²³ Ao ngke e roko Ioteb'a irouia tarina, ao a raeua ana kunnikai are a bati matana are m'arairai.

²⁴ Ao i mwiina, a anaia ni karenakoa nako nanon te m'anib'a are e m'auteretere nanona.

²⁵ Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

²⁶ Ao e taku Iuta nako ia tarina, “Tera ae ti na karekea n tiringakin tarira ma karabaan te m'akuri n tiritiri?

²⁷ Ti a kabooa nako nako ia tibun Itimaera. Ao ti na aki tiringnga b'a bon tarira, bon irikora ao raraara.” Ao a kariaia te iango arei tarina akekei.

²⁸ Ao ngke a manga m'ananga I-Miria i rarikiia, ao a katikaarake Ioteb'a mai nanon te m'anib'a ma ni kabooa nako n te bo ae uabwi te m'akoro n tirewa nakoia tibun Itimaera, ao a uotia nako tibun Itimaera nako Aikubita.

²⁹ Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

³⁰ E kawariia tarina, ao e taku nakoia, “E aera ngkai akea Ioteb'a ikekei? Ao tera ae N nang karaoia ngkai?”

³¹ Ao a tiringa te kooti, ao a kateboa kunnikain Ioteb'a i nanon raraana.

³² Ao a uota kunnikaina nakon tamaia, ao a taku, “Ti kunea te b'ai aei. Tiaki ana kunnikai natim te mm'aane are Ioteb'a?”

³³ Ao e kinaa te kunnikai arei Iakob'a, ao e taku, “Eng, bon ana kunnikai. E a tia ni tiringaki i rouia maan ni kaakang. E a tia n raebitiaki Ioteb'a.”

³⁴ Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

³⁵ Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.

³⁶ I mwiin tabeua te tai ao a tia ni kabooa nako Ioteb'a tibun Itimaera i Aikubita nakon Botiba, are ana aobitia te uea temanna, are bon te mataniwi n ana bareti.