Itaia 39 - Te B'aib'ara

E Taekina Ana Taeka Te Atua Itaia Nakon Etekia

¹ E a uea ngkai te m'aane ae Merotaake Baratan i aoni B'aburon. Ao ngke e ataia ae e a marurung Etekia, ao e a kanakoa ana tia uarongorongo ma taian reta ao taiani b'aintangira nakoina.

² Ao e butim'aea te tia uarongorongo Etekia, ao e kaoti nako ina ni kabane taian tirewa, koora, taiani b'ai ni kaboiarara, ao taiani b'aa ake i nanon ana auti. E bon kaoti naba nako ina taabo ike e kaawakin iai taiani b'ai ni buaka. Bon akea te tabo teuana n ana bareti ke i nanon abanueana ae e karabaa mairouia.

³ Ao I titirakina Etekia ni kaangai, “A nako mai ia m'aane aikai? Tera te b'ai ae a tangiria?” Ao e kaeka Etekia, “A roko man te kawai ae e raroa mai B'aburon.”

⁴ Ao I a manga titirakinna ni kaangai, “Ao tera ae kaotia nakoia?” Ao e kaeka Etekia ni kaangai, “I kaoti nakoia b'aai ni kabane aika i nanon abanueau.”

⁵ Ao i mwiina, I a tuanga Etekia ni kaangai: Bon iai ana rongorongo te UEA ae Moan te M'aaka nako im.

⁶ N te bong teuana ao ane a na uotakinako iai b'aai aika kam a tia ni kaawakin ma ami bakatibu nako B'aburon. E a tia ni berita te UEA b'a bon akea te b'ai teuana ae e na tiku.

⁷ A na uotaki nako tabeman natimi m'aane nako B'aburon, ike a na kamaamaeaki ma ni kam'akuraki n ana baareti te uea.

⁸ E iango Etekia ao e taku, “E na rau ara botannaomata n te tai moa aei.” Ma ngaia are, e taku nakon te tia uarongorongo arei, “E rangi n raoiroi te rongorongo ae ko uotia mai roun te UEA.”