Maliko 8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

ũYesu ukualĩĩsia antu 4000

¹ Muntondo zaasio, pĩna alĩ ukoolĩ kangĩ umulundo namukulu, ndĩo naagila ĩkya kulĩa, nuĩĩta ĩamanigua aakue, nuaĩĩla,

² Nalĩonela iyũmbĩ kĩsuusu kunsooko yakikyala nineene intondo zitatu, nĩkya kulĩa agila.

³ Kanga nĩalekele ende kunumba zaao nanzala, ikigua naweesa munzĩla, naamuĩ apũnile kulĩ.

⁴ ĩAmanigua aakue naamushookeelia, “Wishũũma mbii umuntu kukualĩĩsia ĩa uugalĩ ĩkyute munu muna mbuga?”

⁵ Nuakolia, mutĩĩte ĩmapũli manga? Naaũga, mupũngatĩ.

⁶ Nulĩlagĩĩlia iyũmbĩ likyalanse pansĩ, numasola ĩmapũli nama mupũngatĩ, nusongelia, numaega, nuapeela ĩamanigua aakue aatengele, naalĩtengelia iyũmbĩ.

⁷ Alĩ atĩĩte nipishiĩ pikeei, nupikembeta, nuũga nindiipi apitenge.

⁸ Naalĩa, naikyuta, naamailingĩĩla ĩmaminangulua naalĩ masaagile, ĩmatooto mupũngatĩ.

⁹ Ndĩo alĩ zĩ magana ma nzogũ manĩĩ. Nualaga.

¹⁰ Ĩkamuĩ nunankĩla mwipyango palumuĩ nĩamanigua aakue, nuenda kunandĩ za Dalimanuta.

ũYesu ukuutakĩla usiitĩlĩnga wa amanigua

¹¹ ĩApalisayo naamuagaana naandia kukĩkunguma ninduyo, naiidũũma ĩkĩlĩngasĩĩlio kwipũna kwigyulu, naaĩĩ kumugema.

¹² Nwĩsũsũma munkolo yaakue, nuũga, nĩkĩ widũũma ĩkĩlĩngasĩĩlio? Tai namuĩĩla inie, uwĩleli uu sika ukipeegua kakĩlĩngasĩĩlio.

¹³ Nualeka, nunankĩla kangĩ mwipyango, nuenda kwityumbĩ.

¹⁴ Naĩĩwa kwishola ĩmapũli, isiititũla alĩ atĩĩte pyũli lĩmuĩ dũũ pakatĩ yaao mwipyango.

¹⁵ Nualagĩĩlia, nuũga, laaĩ, sukukĩ nĩngaasio ya Apalisayo nĩngaasio ya kĩHelode.

¹⁶ Naĩĩ kĩtambuĩla eene kueene, kunsooko alĩ agila kamapuli.

¹⁷ ũYesu nulĩnga, nuaĩĩla, nĩkĩ mukĩtambuĩla kĩna muagila kamapũli; sika mwalalisulane nukwilĩnga? iNkolo zaani kĩlĩ nkakũne?

¹⁸ ĩMiiso mutĩĩte, kwiona kutilĩne; ĩakutuĩ mutĩĩte, kwiiigia kutilĩne; kangĩ sika mũjukilene?

¹⁹ Pĩna alĩ nĩaeganilie alĩ ĩmagana ma nzogũ mataano ĩmapũli naalĩ matano, namukenka itooto iinga naalĩ ijuile ĩmaminangulua? Naamuĩĩla, kyumi naibĩlĩ.

²⁰ Kangĩ nama mupũngatĩ kuantu magana ma nzogũ manĩĩ, namumakenka matooto manga naalĩ mijuile ĩmaminangulua? Naamuĩĩla, mupũngatĩ.

²¹ Nuaĩĩla, mwikaalĩ kalalĩngane?

ũYesu ukumukamia umupokũ kuBetisaida

²² Naapika kuBetisaida. Naamuleetela mupokũ, naamupeepia wamuĩĩkĩle ĩmĩkono.

²³ Numuamba umukono umupokũ, numupũnĩlia kĩnzinzi kya kĩsaalĩ, numutiĩla ĩmatĩ mumiiso, numuĩĩkĩla ĩmĩkono numukolia, waona kĩntune?

²⁴ Nulangamĩla nuũga, nukuaona antu zĩ makota migenda.

²⁵ Paapo nuĩĩkĩla ĩmĩkono yaakue kangĩ mumiiso maakue; nulaaĩkia, nukamia, nuona tũlũ.

²⁶ Numutuma kunumba yaakue, numuĩĩla, ulekiingĩla mukĩsaalĩ.

Ukũmuuli wa kĩPetelo kĩna ũYesu ingĩ Klilsito

²⁷ ũYesu nuenda nĩamanigua aakue kũishaalĩ ya Kaisalia ya Pilipi. Munzĩla nuakolia ĩamanigua aakue nuaĩĩla, ĩantu akuũgaa neene waani.

²⁸ Naamuĩĩla naaũga, Yohana Mubadĩĩzia; ĩĩĩa Elia; ĩĩĩa akuũgaa umuĩ wa anakĩdagu.

²⁹ Uyo nuakolia, ainie gua, mukuũgaa neene waani? uPetelo numushookeelia, numuĩĩla, ue uue Kilisito.

³⁰ Nuasugulĩkia aleke kumuĩĩla kamuntu kaumuĩ impola zaakue.

ũYesu wikũnukula kĩna ukikia nukwiiiuka

³¹ Nuandia kukuamania kĩna yumũjĩĩpĩle uMuana-muntu kwiaagigua mumpola ningĩ nukwishiitua nĩanampala nĩapolia naakulu nĩalangi, nukwiulagua; nĩpĩna zakĩla ntondo zitatu ukiiiuka.

³² Nulutambula ulukani kualiĩ. uPetelo numuũna kĩmpeelo, nuandia kukumutakĩla.

³³ Nupĩluka nualaaa ĩamanigua aakue, numutakĩla uPetelo nuũga, lenda kunũma yaane Shetani, kunsooko sikukuzishiga ĩza kĩNzua, ĩpa ĩza antu udũũ.

Wĩĩtua wa kĩiima

³⁴ Nuliĩta iyũmbĩ palumuĩ nĩamanigua aakue, nuaĩĩla, nuasio nusiiile kwintiata kunũma yaane, nwĩiime ĩmaakue, wakenke umusalaba waakue, wantiate.

³⁵ Kuitĩ wensi nusiiile kukuugũna uumĩ waakue ukakuulimĩĩlia. Kangĩ wensi nwakuulimĩĩlia uumĩ waakue kunsooko yaane nukunsooko ya Mpola naNziiza, ukakuugũna.

³⁶ uMuntu ukishaĩpigua kĩ kanga wauligie uunkũmbigyulu sue, nukwikapĩka uumĩ waakue?

³⁷ Kangĩ umuntu wapũnie kĩ palioma lya uumĩ waakue?

³⁸ Wensi kanga wankolelue inshoni ĩne ninkaani zaane muwĩleli uu wa ugololia nĩmĩlandu, nuMuana-muntu ukakumukolelua inshoni uzo pĩna wijile muukulu wa kĩTata waakue palumuĩ nĩamalaĩka naeelu.