Zenez 5 - Kreol Morisyen OT Portions

Lalis bann desandan Adam ziska Noe

^1-2 Ala lalis bann desandan Adam: Kan Bondie kre zom ek fam, li kre zot dan so prop resanblans. Li beni zot e li apel zot “Imin”.

³ Adam ena 130 an, e li gagn enn garson ki resanble li boukou. Li apel li Set.

⁴ Apre nesans Set, Adam viv ankor 800 an e li gagn ankor lezot zanfan.

⁵ Li mor laz 930 an.

⁶ Kan Set gagn 105 an, li vinn papa Enos.

⁷ Apre nesans Enos, Set viv ankor 807 an e li gagn ankor lezot zanfan.

⁸ Li mor laz 912 an.

⁹ Kan Enos ena 90 an, li vinn papa Kenann.

¹⁰ Apre nesans Kenann, Enos viv ankor 815 an e li gagn ankor lezot zanfan.

¹¹ Li mor laz 905 an.

¹² Kan Kenann ena 70 an, li vinn papa Malaleel.

¹³ Apre nesans Malaleel, Kenann viv ankor 840 an e li gagn ankor lezot zanfan.

¹⁴ Li mor laz 910 an.

¹⁵ Kan Malaleel ena 65 an, li vinn papa Yered.

¹⁶ Apre nesans Yered, Malaleel viv ankor 830 an e li gagn ankor lezot zanfan.

¹⁷ Li mor laz 895 an.

¹⁸ Kan Yered ena 162 an, li vinn papa Enok.

¹⁹ Apre nesans Enok, Yered viv ankor 800 an e li gagn ankor lezot zanfan.

²⁰ Li mor laz 962 an.

²¹ Kan Enok ena 65 an, li vinn papa Matousalem.

²² Apre nesans Matousalem, Enok mars dan sime Bondie ankor 300 an. Li gagn ankor lezot zanfan.

^23-24 Enok mars avek Bondie toutlong so lavi. Kan li gagn 365 an, li disparet parski Bondie pran li.

²⁵ Kan Matousalem ena 187 an, li vinn papa Lemek.

²⁶ Apre nesans Lemek, Matousalem viv ankor 782 an e li gagn ankor lezot zanfan.

²⁷ Li mor laz 969 an.

²⁸ Lemek ena 182 an kan li gagn enn garson.

²⁹ Li apel li Noe. Lemek dir: “Sa zanfan la pou soulaz nou dan nou travay. Vremem, li finn vinn pli dir depi ki LESEGNER finn modi later.”

³⁰ Apre nesans Noe, Lemek viv ankor 595 an e li gagn ankor lezot zanfan.

³¹ Li mor laz 777 an.

³² Noe ena 500 an, e li ena 3 garson: Sem, Kam ek Zafet.