Zenez 36 - Kreol Morisyen OT Portions

Lafami Ezai

¹ Ala nom bann zanfan Ezai; so nom gate Edom.

² Ezai marye avek de fam Kananeenn. Enn apel Ada, tifi Elon, enn Itit. Lot la apel Oholibama, tifi Ana. So granper apel Sibeon, enn Ivit.

³ Ezai marye osi avek Basmat, ser Nebayot e tifi Ismael.

⁴ Ada gagn Elifaz, e Basmat gagn Reouel.

⁵ Oholibama ena trwa zanfan: Yeous, Yalam, ek Kora. Sa bann zanfan Ezai, e zot tou finn ne dan pei Kanaan.

Ezai ek so fami al res dan Seir

⁶ Enn zour, Ezai pran so trwa fam, so bann zanfan, so bann serviter ek servant. Li pran osi tou so bann zanimo, ek tou so rises ki li ena dan Kanaan. Li al res dan enn lot landrwa, lwin ar so frer Zakob.

⁷ Ezai ek so frer Zakob nepli kapav res ansam dan mem landrwa, telman zot ena boukou dibien. Landrwa la tro tipti pou nouri zot bann troupo.

⁸ Alor, Ezai, setadir Edom, al res lor bann kolinn Seir.

Lalis bann desandan Ezai

⁹ Ala lalis bann desandan Ezai, anset bann Edomit ki res lor bann kolinn Seir.

¹⁰ Ezai ek so fam Ada gagn enn garson ki apel Elifaz. Avek so lot fam Basmat li gagn Reouel.

¹¹ Bann garson Elifaz apel Temann, Omar, Sefo, Gatam, ek Kenaz.

¹² Elifaz ena enn metres ki apel Timna. Li donn Elifaz enn zanfan ki apel Amalek. Sa bann la bann desandan Ada, fam Ezai.

¹³ Bann garson Reouel apel Nahat, Zera, Sama, ek Miza. Zot bann desandan Basmat ek Ezai.

¹⁴ Oholibama, tifi Ana ek tizanfan Zibeon, donn Ezai trwa zanfan: Yeous, Yalam ek Kora.

^15-16 Ala lalis bann sef klan parmi bann desandan Ezai: Premie garson Ezai ek Ada apel Elifaz. Bann garson Elifaz ki finn vinn sef klan apel Temann, Omar, Sefo, Kenaz, Gatam, ek Amalek. Zot tou res dan Edom.

¹⁷ Ezai ek so fam Basmat ena enn garson ki apel Reouel. Bann garson Reouel ki finn vinn sef klan apel Nahat, Zera, Sama, ek Miza. Zot osi zot res dan Edom.

¹⁸ Sef Yeous, sef Yalam, ek sef Kora, zot bann garson Ezai ek Oholibama, tifi Ana.

¹⁹ Tousala bann sef Edomit, bann desandan Ezai.

^20-21 Bann premie abitan pei Edom ti bann desandan Seir, enn Horit. Ala nom bann sef parmi bann Horit: Lotann, Sobal, Sibeon, Ana, Disonn, Eser, ek Disann. Sa bannla bann garson Seir dan Edom.

²² Bann garson Lotann apel Hori ek Emam. Ser Lotann apel Timna.

²³ Bann garson Sobal apel Alvann, Manaat, Ebal, Sefo, ek Onam.

²⁴ Bann garson Sibeon apel Aya ek Ana. Ana mem ki ti dekouver dilo dan dezer kan li ti pe vey troupo so papa Sibeon.

²⁵ Ana ena enn garson ek enn tifi. Garson la apel Disonn, e tifi la apel Oholibama.

²⁶ Bann garson Disonn apel Emdann, Esbann, Itrann, ek Kerann.

²⁷ Bann garson Eser apel Bilann, Zavann, ek Akann.

²⁸ Ous ek Arann, zot bann garson Disann.

^29-30 Ala nom bann sef Horit dan pei Seir: Lotann, Sobal, Sibeon, Ana, Disonn, Eser, ek Disann.

³¹ Ala nom bann lerwa ki finn regn lor Edom, avan mem ki ti ena lerwa dan Izrael:

³² Bela, garson Beor, ki sorti lavil Dinaba.

³³ Kan Bela mor, Yobab vinn lerwa dan so plas. Yobab garson Zera, e li sorti lavil Bosra.

³⁴ Kan Yobab mor, Housann, enn Temanit vinn lerwa.

³⁵ Housann mor e Hadad, garson Bedad, vinn lerwa. So lavil apel Avit. Limem finn bat bann Madianit dan pei Moab.

³⁶ Kan Hadad mor, Samla, ki sorti Masreka, vinn lerwa dan so plas.

³⁷ Apre lamor Samla, Saoul vinn lerwa dan so plas. Li sorti Reobot, kote larivier Efrat.

³⁸ Kan Saoul mor, Baal-Hanann, garson Akbor, vinn lerwa dan so plas.

³⁹ Baal-Hanann, garson Akbor, mor e Adar vinn lerwa dan so plas. Adar sorti lavil Paou. So fam apel Metabeel, tifi Matred e tizanfan Me-Zahad.

⁴⁰ Ala lalis bann sef Edomit dapre zot klan ek zot landrwa: Timna, Alva, Yetet,

⁴¹ Oholibama, Ela, Pinonn,

⁴² Kenaz, Temann, Mibsar,

⁴³ Magdiel, ek Iram. Sa bann la bann sef Edomit. Sakenn res dan enn diferan landrwa dan pei. Ezai anset bann Edomit.