Ester 10 - Kreol Morisyen OT Portions

¹ Lerwa Zerses fors tou bann abitan pei ek seki andeor dan bann zil pou pey tax.

² Tou so bann gran aksion pouvwar ek pwisans finn ekrir dan liv arsiv lerwa Medi ek Pers. Zistwar lor ki manier Lerwa finn donn Mardose merit ek promosion, osi finn ekrir dan sa liv la.

³ Mardose segon dan bann ran pouvwar; Apre lerwa, vinn limem. Li ena boukou pouvwar parmi bann Zwif. Li popiler e bann Zwif bien kontan li. Mardose travay pou bienet so pep e li fer tou pou sekirite tou zot bann desandan.