Psom 133 - Nouvo Testaman Kreol Morisien Harmonisation NTPS KMLarmoni ek lakorite Enn kantik pou pelerinaz. 1 Ala li zoli la! Sa ki enn plezir sa! Lepep Bondie viv dan larmoni ek lakorite! 2 Li parey kouma delwil parfime ki finn verse lor latet, ki koule lor labarb, lor labarb Aaron, ki desann lor kol so manto. 3 Li osi parey kouma laroze Montagn Ermon ki desann lor kolinn Sion. Laba mem LESEGNER finn promet so benediksion: lavi pou touzour. |
Nouvo Testaman Kreol Morisien Harmonisation NTPS KM © Bible Society of Mauritius, 2021.
Bible Society of Mauritius