Makatukilu 26 - O Mikanda Ikola

O Balaka

¹ U iudika balaka ni kuinhi dia kulutina, ji kala ja linhu ia fina io uinde, ni azulu, ni púlupula ni kalumezim; mu ku ji iudika ata-ku ni jixelube ji tunga mesene ia mulongo.

² O kulebha kua kulutina imoxi, kukala kua makuinhi aiadi ʼa kôvado ni nake; o lubongo luê lu kala kôvado jiuana; o jikulutina joso ji sokela kumoxi.

³ Kulutina jitanu a ji tungila kumoxi, kifua thanga; kulutina jitanu a ji tungila kumoxi; kifua thanga iamukuá.

⁴ Ku muhuhu ua thanga imoxi, u ta-ku mazanzu ma azulu, bhu i takanena ni mukuâ; ni ku thanga iamukuâ, ku muhuhu uê ua suku ku kanga, kiene kimoxi.

⁵ Makuinhi atanu a mazanzu ma kala ku muhuhu ua thanga imoxi, makuinhi atanu a mazanzu ma kala ku thanga ia mukuá; mazanzu ma di lulama mu-diâ.

⁶ U iudika ue ni makuinhi atanu a jikoloxete ja ulu, phala kutakanesa kumoxi jithanga ja jikulutina ni jikoloxete; balaka ioso anga i kala imoxi.

⁷ U iudika ue ni jikulutina ja jindemba ja jihombo, ji kala thanga ia kubhitisa ku thandu dia balaka; u iudika kuinhi dia kulutina ni kulutina imoxi.

⁸ Kulutina imoxi i kala makuinhi atatu a kôvadu mu kulebha, o lubôngo luê kôvado jiuana; kuinhi dia mbongo ni mbongo imoxi, jene joso ji kala midila imoxi.

⁹ Kulutina jitanu u ji tungila kumoxi, kifua thanga; kulutina jisamanu u ji tungila kumoxi, thanga ia mukuá; o kulutina ia kasamanu u i budika ku thandu dia muelu ua balaka.

¹⁰ U iudika ue makuinhi atanu a mazanzu ku muhuhu ua suku ku kanga ku thanga imoxi, ni makuinhi atanu a mazanzu ku muhuhu ua suku ku kanga ku thanga ia mukuá.

¹¹ U iudika ue makuinhi atanu a koloxete ja ngondo, u ji ta mu mazanzu, phala kutakanesa o balaka i kale imoxi.

¹² O mbandu iamukuá ia kulutina ia subhuka, mbandu ia di te-ku ia zenzama, iene i vungina balaka ku dima diê.

¹³ O kôvadu imoxi ku mbandʼuku, ni kôvadu iamukuá ku mbandu ioio, ia di te-ku mu kulebha kua jikulutina ja balaka, kifua iene i bhiẋidisa jikulutina bhoxi ku mbandu ni mbandu phala ku i vungina.

¹⁴ U iudika dingi ni divunga dia balaka, di kala dia ibha ia ilumbe ia jimbudi ióteke ni husu, ni divunga dia mukuá dia ibha ia kiama kia menha o nzûndu, diene di suka ku thandu.

Mabaia ma Balaka

¹⁵ U iudika ue mabaia ma balaka ma muẋi ua xitimi, emana kala jingunji.

¹⁶ O mabaia iâ kulebha kuê kuinhi dia kôvado, o kuzanza kuê kala dibaia di kala ni kôvadu ni kaxaxe.

¹⁷ Kukala inama iiadi bhoxi dia dibaia, o dibaia di kuata ni phidika; kiene ki u iudika mabaia oso a balaka.

¹⁸ O mabaia iâ a balaka, ua iudika makuinhi aiadi a dibaia ku mbandu ia bhana ku sulu.

¹⁹ U iudika ue makuinhi uana a ibaka ia phalata i kala ni mazungu, i kala bhoxi, mu bokuena o inama ia mabaia, kala dibaia ni inama iê iiadi, bhoxi bhu kala ibhaka iiadi ni mazungu.

²⁰ Mbandu ia kaiadi ia balaka i bhana ku suku u i iudikila makuinhi aiadi ue a dibaia.

²¹ Ma kala ue ni makuinhi auana a ibaka ia phalata; dibaia ibaka iiadi, dibaia ibaka iiadi.

²² O xilu dia balaka dia bhela ku mufuila-kumbi, u di iudikila mabaia ma samanu.

²³ Nʼu iudika ue mabaia aiadi phala jithungi ja balaka, ku mbandu jene kiiadi kiâ, kiene.

²⁴ Mabaia iá bhoxi a takana kumoxi, o bhulu ue a takanena mu dilenge. Mabaia aiadi iá kiene ki u a bhangʼiki; kiene ki u bhanga ni mabaia aiadi u ua te mu jithungi jene kiiadi kiâ.

²⁵ Nake dioso dia mabaia ni ibaka iâ ia phalata kuinhi dia kibaka ni kisamanu, kala dibaia ni ibaka iiadi bhoxi, dibaia di kala ni ibaka iiadi bhoxi.

²⁶ U iudika ue ni mikangala ia muẋi ua xitimi; mikangala itanu ia kukuata mabaia a mbandu imoxi ia balaka,

²⁷ mikangala itanu ia kukuata mabaia a mbandu ia mukuá ia balaka, mikangala itanu ia kukuata mabaia a xilu a bhela ku mbandu ia mutudila-kumbi.

²⁸ O mukangala ua kaẋi, u bhita mu mabaia tunde ku thungi katé ku thungi.

²⁹ O mabaia ua xiia ue ulu, malenge mâ ma kala ue ma ulu mu bhitila o mikangala; ni mikangala iene u i xiia ulu.

³⁰ Balaka u i ximbika kienhiki, o ulungu uê uene ua ku idikiza ku mulundu.

Kibatulu kia balaka, ni dibeka diê di xita bhu muelu

³¹ U iudika ue ni mvéu ia kibatulu kia azulu, ni púlpula, ni kalumezim, ni linhu ia fina iòuinde kiambote; ku kala ni jixelube jòiudike ku ufunu ua mesene ia mulongo.

³² O mvéu iii ia kibatulu, anga a i nhenga mu philadi jiuana ja muẋi ua xitime, uófolale ni ulu; o jiphiladi ji kuata mu ibaka ia phalata bhoxi.

³³ O kibatulu anga u ki nhengena ku jikoloxete, o mu xilu muenhumu u bheka-mu álaka ia umbangi; kibatulu kiene ki bhita bhu kaẋi ka kididi kikôla ni kididi kikôla kinéne.

³⁴ O kibhuna kia kiadi u ki tula ku thandu dia álaka ia umbangi mu kididi kikola kinéne.

³⁵ O meza ma kala ku kanga dia kibatulu, kifua mu kololo, ma di lulama ni kandeia; kandeia ka kalela ku mbandu ia sulu, o meza ma kalela ku mbandu ia kusuku.

³⁶ U iudika ni dibeka dia kuxita bhu muelu ua balaka, di kala dia azulu, ni púlupula, ni kalumezim, ni linhu ia fina iòuinde, ufunu ua mesene ia jinjikita u bhita-bhu.

³⁷ O dibeka, didi, u di iudikila philadi jê jitanu ja muẋi ia xitimi, u ji folale ulu; jikoloxete jê ji kala ja ulu,