Jobe 25 - O Mikanda Ikola

Bidade u di tunʼé kuila muthu u zela muene (u di lungisa) bhu pholo ia Nzambi

¹ Bheneʼobho, Bidade, o musuuita, u vutula, uixi:

² O kutumina ni kutena kua ngene kua Nzambi, muene u bhangesa kuila ku maúlu ku kala uembu.

³ Nanhi u tena kutanga o ifuẋi iê? O ki banda mukengeji uê, nanhi muene u kamba ku mu muikina?

⁴ Muthu-phe u kala kiebhi ni kuiuka bhu pholo ia Nzambi? Ió a mu vuala ku (monʼa) muhatu, u kala kiebhi ni kuzela?

⁵ Tala, katé ni mbeji ki iala ni kubenha; o jithéthembua ue ku mesu mê ki ji zele.

⁶ Kuambe dingi o muthu uedi kala thûthu, ni monʼa muthu uedi kala kakibamba!.