Jisálamu 36 - O Mikanda Ikola

O Kuiibha Kua Muthu ni kulenduka kua Nzambi

Ua Mesene Ngimba. Mukumbi ua Davidi selevende ia Jihova.

¹ O ku di nganala kua muthu ku tunda ku muẋima mu kubhuma kuê; o ku mesu mê ki kua mu kala uoma ua Nzambi.

² Kuma o muthu mu kuxinganeka kuê, u di bhomba kuila kituxi kiê ki kia-nda kutukuluka, phala athu ku mu sebulula.

³ Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

⁴ Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

⁵ O kulenduka kué, u Jihova, kua tuta ku diulu; o kukumbidila kué ku bhixila ku matuta,

⁶ o Kuiuka kué kua soko ni milundu ia makota; o kufundisa kué mukua ni musanza uazongo ua kalunga. Jihova, eie-muène u mukua kuinga o muthu ni kiama!

⁷ O kulenduka kué, Ngana Nzambi, kuzediua kua nzungule! Anʼathu kiene ki ene mu lengela moxi a mabhabha mé!

⁸ Musonhi ué-eie, u ikuta ni kúdia kua nete; sai ngiji ia jimbote jé, ku u a bhana kúnua.

⁹ Mukonda ko kué kuene kuala o kitu kia muenhu; o mu mukengeji ué muene mu tua kà muena kuzela.

¹⁰ Kolokota, Ngana, o kukuatela henda oso a di tuma ni eie; a tetulukile oso emana muẋima nzanza.

¹¹ Kuehele kinama kia akua izala ku ngi diata; mba lukuaku lua isuéia ku ngi landameka.

¹² Akua kubhanga a phulu iá a zeka ianhá; a a te bhoxi ka tena dingi kubalumuka-bhu.