Jisálamu 3 - O Mikanda Ikola

Kudielela Nzambi mu Jingongo

Mukumbi ua Davidi kia lengele monʼê Abisalone.

¹ Jihova, tata, tala nguma jami ki ja di bandekeza! Avulu muene a ngi lungulukila!

² Avulu muene ala ku ngʼamba, exi: Kua Nzambi kala-ku dingi ni kubhuluka kuê. (Selah.)

³ Maji Eie-phe, u Jihova, u ngubu iami ia ku ngi xitila; Eie-muène u kijingo kiami, eie ua ngi bhetula o mútue.

⁴ Nga suína dízui ni ku dikola kua Jihova, muene-phe ua ngʼitaia ku mulundu uê ukôla. (Selah.)

⁵ Nga zekele, ngele muene ku kilu; kuaki, nga tono; mukonda Jihova muene ua ngi bhake ku muenhu.

⁶ Ki ngi kala dingi ni uoma, né jimidi ja athu a ngi balukila ku mbandu ni mbandu.

⁷ Balumuka, eie u Jihova; u ngi kudile, Nzambi iami! Kuma jinguma jami eie ua ji bhana huxi ia pholo; o isuéia eie ua i bukula o mazu.

⁸ Kubhuluka ku tunda kua Jihova; o ku thandu dia mundu uê ku kale dibesá. (Selah.)