Jisálamu 28 - O Mikanda Ikola

Kudionda Ni kusakidila Mukumbi ua Davidi.

¹ Ko kué, Jihova, ku nga dikola! Eie u ditadi diami, kana kuila kala ua xiluka; kuma ki uila u dixibha, ku ngʼivu, ngi sokela ni iá a láuka mu bombo dia kalunga.

² Ivua dízui diami dia kudionda, kioso ki ngi dikola kokué; ni kioso ki ngi sunununa maku mami, ni kulunga pholo ku kididi kié kikôla.

³ Kana ku ngi koka kumoxi ni iiala iabhumu, kana ku ngi bunda kumoxi ni ati a ituxi; akua kuila a zuela mbote ni akuâ, mbé ku miẋima iâ kua a kala ufe.

⁴ A bhange kala kioso kia bhanga jinga ene, kioso kia tokala mu kukalakala kuâ kua kubhukumuka; a bhane muene kia soko mu ufunu ua maku mâ, a fute, Ngana, kioso kia a tokala.

⁵ Mukonda kene kusuua ikalakalu ia Jihova, kejiia kutongolola o ufunu ua maku mé; muene-phe ua-nda ku a sengulula, ka a tungisa, kana.

⁶ Jihova a tane-ku! Mukonda ua ngʼivu dízui diami dia kudionda.

⁷ Jihova muene nguzu iami, ngubu iami; muẋima uami ua mu dielela muene, eme nga bhanduluka; kia bhangesa muẋima uami kukala ni ngalasa iavulu; ngi kuata muimbu ua ku mu ximana jinga.

⁸ Jihova muene o nguzu ia mundu uê; muene ue u bhana o muenhu kua muthu uê ua mu undu ni maji.

⁹ Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.