Jisálamu 20 - O Mikanda Ikola

Kusambela Sobha uia mu Ita

Ua Mesene Ngimba. Mukumbi ua Davidi.

¹ Jihova a ku ivue bhu kizuua kia kíbhidi; dijina dia Nzambi ia Jakobo di ku kale ditala dia di leka.

² Ku mbanza iê ku tunde a ku banda, ku tunde mu Ziione a tokala ku ku kuatekesa.

³ A lembalale o maujitu u ua mu bhakuila jinga, a ẋikine o sata ié ia kuoha. (Selah.)

⁴ Muene a ku bhese kia ku kala ku muẋima; kima ki ua kane kubhanga, muene a ki kumbidile.

⁵ Etu tu kola kikóue mu kumona ubhulukilu uê; mu dijina dia Nzambi ietu, jibandela ji bhekela; Jihova a ku bhese iene ioso i u mu bhinga.

⁶ Kiki nga kʼijiia kiá kuma, Jihova u kudila muenexi uê ua mu undu ni maji; u mu ivua muene tunde ku diulu diê dikola, u mu banda ni uzonda ua lukuaku luê lua undanda.

⁷ Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

⁸ Ene a bulukuta, a dibhale; etu-phe tua bhetuka, tuemana nzanza.

⁹ Kúdila muenexi ué, u Jihova, u mu bhane kutolola, tu ivue, lelu, ki tu dikola.