Jisálamu 123 - O Mikanda Ikola

Musambu Ua Kubhinga Dikuatekesu Kua Nzambi

Muimbu ua ngenji uia mu bheza.

¹ Ko kué ku nga zambula mesu, eie ua tunga ku maúlu!

² Mukuâ ni mesu a mubhika kia tala ku lukuaku lua muadiʼê ni mesu a kahatu kia tonginina ku lukuaku lua ndona ua mu vu, kiene ue kia lungu o mesu metu kua Jihova, Nzambi ietu, katé kia tu kuatela henda.

³ Tu kuatele henda, Ngana, tu kuatele henda, kuma o ku tu ondolola kua tu kumu!

⁴ Andeka okulu ni ku tu tobhesa katé kia tu kumu muene, muenhu uetu ua tate ni ku tu sekalesa kuala iá a nanga ngó mu ulalu; ni lusebu luala ku tu sebulula na-iu akua izala.