Jisálamu 100 - O Mikanda Ikola

Jihova Muene Ua Tu Bhanga, Muene Kabhila Ketu

Mukumbi ua kubhela kisakidilu.

¹ Tumbujukenu ni ngalasa kua Jihova, enu oso mua tungu mu ngongo.

² Jihova mu sedivilienu ni kutana, bhiẋilenu bhu pholo iê ni kuimba.

³ Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

⁴ Bokuenenu bhu mabhitu mê ni kusakidila, mu tule mu malumbu mê ni mimbu ia kuximana; ximanenu ni ku tumbula o dijina diê,

⁵ Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.