Jisabhu 29 - O Mikanda Ikola

¹ O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

² Athu aiuka kia a zangeleka mu kutumina ixi, mundu u sanguluka; maji o kisuéia-phe kia tambula o kutumina ngongo, mundu u kumba!

³ Muthu uoso u suinina o kuijiia, u bheka ngalasa kua tatʼâ; maji muthu uoso-phe u di nhenga ni ahatu a idianzunga, o iuaia, usala-sala umvama uê uoso.

⁴ Sobha, kufikidila oxi, kale u kaiela ubatuilu ua kidi; maji o kamba dia maujitu a madiminhinu, usendumuna oxi.

⁵ Muthu uoso u kuata kuhanza mukuâ, phala ngó ku mu kuata kafua-pholo, kiókio ua mu zalela uanda mu njila.

⁶ Muthu ua iibha o muẋima, o kutondala kuê ku di bhanga díbhebhe; maji o muthu ua iuka-phe, ukala jinga mu kuimba ni kutana.

⁷ Muthu ua iuka, u tongesa kiambote o mulonga ua phulungu; maji o ua bhukumuka-phe, ki ki mu kuatela kima.

⁸ Akua kasekelelu, a buikisa sanzala; maji o jinjimu-phe, abateka o njinda.

⁹ Muthu uejiia, kia di kuata ni iú kʼejiia kima, kixi u di vunza mba uolela, ió kunhoha ka ku mono.

¹⁰ Ifumbe, muthu mukua muẋima uemana nzánza, a mu kuatela luma; maji athu aiuka-phe, a sota ku mu langa o muenhu uê, ni ku mu bhanga o mbote.

¹¹ Dilaji, njinda iê ioso u i aneka; maji o njimu-phe, uximbakata anga o njinda iê u i kondeka.

¹² Se nguvulu u kuata kusuua o maka moso ma makutu, jiselevende jê joso u ji mona kukala isuéia.

¹³ Ni ngadiama ni mukua kutambula avasu, atakana bhuamoxi; maji kiiadi kiâ Jihova muene u a muikina o mesu.

¹⁴ Sobha, u kuata kufindisa o jingadiama mu kidi, kiandu kiê ua ki phaphe muene, kinangenena katé ku hádia.

¹⁵ O mbangala ni kibazu kia kubazela, i dimuna muthu; monandenge-phe se a mu talela ngoho, sè ku mu bazela, mungu u kuatesa jisonhi kua manhʼâ.

¹⁶ Isuéia kioso ki i sokoloka, ni milonga ue i sokoloka; maji o kibuika kia enhó, athu a iuka hinu a ki mona mesu.

¹⁷ Mona uenda ni ku mu bazela, nda muene ue a ku bhane dinhohenu, katé ni muenhu ué mʼoxi u bonga maláu.

¹⁸ Bhua kambe o mizambu ia upolofeta, mundu uoso udianguka ni ituxi; maji uoso-phe uaiuka o ngonge ia Jihova, ió ua zediua.

¹⁹ Mubhika ku mu bazela ngoho ni dikanu, kʼevu nʼa di longo; kuma ima né ua ivu muene kiambote, kutumaka u mu lémbua.

²⁰ Eie ua mono muthu mukua kuzuela kua lusolo, muenhó sembele o kiôua u beta ku mu dielela, dikue muene.

²¹ Muthu, o mubhika ku mu sasa ni uhete uavulu tunde undenge kala mona, hádia sai kizuua u diela.

²² Kiiala kia mukua njinda, u vulumuna jimvunda; o mukua nganji, mukua ku di vudixila o itondalu.

²³ Muthu mukua ukumbu, o ukumbu uê uene hádia u mu katula o kijingo; maji o mukua muẋima ua batama-phe u bonga ujitu.

²⁴ Uoso u ta kisangela ni muiii, ua zembe o muenhu uê; mukonda uívua jindaka, maji u lémbua ku mu tungununa.

²⁵ O kukala ni uoma ua muthu, ki di bhanga mubhetu u fuisa muthu; maji uoso u dielela kua Jihova, uala ditala dia di leka, ka mu tena.

²⁶ Avulu ene mu kusota ku di uabhesa ku jisobha jala kutumina, maji Jihova muene u batula o milonga ia muthu ni muthu.

²⁷ Muthu ua bhumu, o mukua mangonha, u di bhanga kisunji phala athu aiuka; o mukua mauendelu ma kidi ue, u di bhanga kisunji phala muthu ua bhumu.