I Malunda 9 - O Mikanda Ikola

Athu a tungu mu Jeluzaleme kioso kia vutuka ku ubhika

¹ Izalaiele ioso anga a i alula ku mísala ia miji ia mauvadiue mâ; ia a asoneka mu divulu dia jisobha ja Izalaiele. O akua Juda-phe a a balakala ku Babilónia, mukonda dia kutondala kuâ.

² O akua Izalaiele ni jinganga ni akua Levi, ni aẋangi a jihuinhi ni ateki a menha, ene a dianga o kutunga mu ixi iâ ni mabhata mâ.

³ Maji o ku ana a Juda-phe, ni ana a Bejamí, ni ana a Ifalaíme, ni Manasa, ió atungile mu Jeluzaleme.

⁴ Ene a Utai, mona a Amihude, mona a Unidi, mona a Inidi, mona a Baní, ku ana a Peleze, mona a Juda;

⁵ o ku akua Silo: Azaia, o phande-kumbi, ni anʼê;

⁶ o ku ana a Zela: Jeuele, ni jiphange jê ja màla, hama jisamanu ni makuinhiʼvua.

⁷ O ku ana a Bejamí: Salu, mona a Mezulame, mona a Hodoviia, mona a Hasenuua.

⁸ O Inineia, mona a Jelohame, ni Ela, mona a Uzi, mona a Mikidi, ni Mezulame mona a Sefatiia, mona a Leuele, mona a Ibinija.

⁹ Ni jiphange jâ, kala kia tokala mu Uvadiue uâ, hamaʼvua ni makuinhi a tanu ni kisamanu; mala oso enhá akexile mítue ia jitata, mu mabhata a jitata jâ.

¹⁰ O ku jinganga: Jedaia, ni Jehoiadibe, ni Nzuakí,

¹¹ ni Azadiia, mona a Hilikiia, mona a Mezulame, mona a Zadoke, mona a Melaiote, mona a Ahitube, o dikota uala ku pholo ia inzo ia Nzambi;

¹² Adaia, mona a Jelouame, mona a Pasule, mona a Malikiia, ni Masai, mona a Adiiele, mona a Jazela, mona a Mezulame, mona Mesilemite, mona a Imele.

¹³ Kala uê o jiphange jâ, ene o mítue ia jinzo ja jitata jâ, atenene-phe midi ni hama sambuadi ni makuinhi a samanu, màla a mazonda phala o kikalakalu kia ukunji mʼonzo ia Nzambi.

¹⁴ O ku jilevita: Semaia, mona a Hasube, mona a Azilikane, mona a Hasabiia, ku ana a Meladi;

¹⁵ ni Bakabakale, Hele, ni Ngalale, ni Mataniia mona a Mika, mona a Zikidi, mona a Asafu.

¹⁶ Ni Obadiia, mona a Semaia, mona a Ngalale, mona a Jedutunu; ni Belekiia mona a Aza, mona a Elekana, uatungu mu jisanzala ja akua Netofa.

¹⁷ Akexile alangi a mielu bhu mabhitu, enhá: Salume, Akube, ni Talimone, ni Ahimane, ni jiphange jê; o Salume muene uakexile ku pholo iâ.

¹⁸ Katé mu thembu ienʼoio ene akexile ku kilangidilu bhu muelu ua sobha utalela mu thunda; iá ene akexile o alangi a mabhitu muʼaxaxe ka ilômbo ia ana a Levi.

¹⁹ O Salume, mona a Kole, mona a Ebiiasafe, mona Kola ni jiphange jê mu dibhata dia tatâ, o jikolahita, akexile ku pholo ia kikalakalu kia ukunji uâ, kuma akexile alangidi a mielu ia balaka ia Ngana; o jitata jâ akexile jikabhitangu ja kilômbo kia Jihova, ene alangidila jinga bhu dibokuenu dia kibènge kia akua Ngana.

²⁰ O Finéia, mona a Eleiazale ku dima kua tundu, muene uakexile hanji o musonguedi muʼaxaxe kâ, Ngana anga ukala-nê.

²¹ O Zakadiia, mona a Meselamiia, muene uakexi o mulangi-a-muelu ua balaka ia dibhongolokelu dia mundu.

²² Ene osoʼâ, òʼnone muene kiambote, ia a a tungula phala kukala alangidi a mielu; o mu ku alula a tena hama jiiadi ni kuinhi ni kiiadi: Enhá ene a a tungula ia a a soneka ku mabhata mâ, ku majiku ma Uvuadiue uâ; o Davidi ni Samuuele, o musesedi, mukua muzambu ua kumona, ia a a lumbila, muthu ni muthu ku kikalakalu kiê.

²³ Akexile-phe, ni ene ni anʼâ mu kulangidila jinga o mielu ia inzo ia Jihova, ni mielu ia inzo ia balaka.

²⁴ O alangidi adiuanena jinga mu itembueiuana ia tembulu: Iá ku thunda, iá ku luiji, iá ku Suku, iá ku Sulu.

²⁵ O jiphange jâ, akexile mu jisanzala, eza jinga ngó kala muthu semana ku jithembu-jithembu, hé akalakala-nâ mu sambuadi dia izuua, muthu ni muthu bhu kithangana kiê.

²⁶ Mukonda ku ufunu ió iakexile jinge kiuana kia alangidi, akua Levi, akexile ni kikalakalu kia kulanga o maxilu ni malundilu a jimbongo ja inzo ia Nzambi.

²⁷ Ene atungile kiá mu jimbandu ja tembulu ia Ngana, o mu usuku, akexile mu kulanga jinga o inzo ia Nzambi, mukonda ene a a tuika o kikalakaluʼiki, mbé ue o ku i jikujula mu imene ioso.

²⁸ Amoxi mudiâ akexile ni kikalakalu kia itutu ia ukunji, kuma a i alula jinga mu ku i katula, a i alula jinga mu ku i bheka.

²⁹ Mukonda kua ene ku kala ue dingi amoxi-mu akexile ni kikalakalu kia imbamba ioso iokolese ia dibhezelu ni kutambula konda ia fuba ia tiliku, ni vinhu, ni maji, ni uasu ua dizumba, ni ima iamukuá ia-te kiavulu.

³⁰ O ana a jinganga, ene akexile ni kikalakalu kia kubhanga o ima ia mazumba.

³¹ Mu akua Levi, o Matitiia, o phande-kumbi ia Salume, o mukua Kola, muene uakexile ku pholo ia kikalakalu kia kexile ku bhangela bhu kienga.

³² O ku jiphange jê, ku ana a Kohate, kuene kua kexile amoxi-mu a a tele ku kikalakalu kia jimbolo ja kutela, phala ku ji iudika ni ku ji bhinganesa jinga mu jisabhalu joso.

³³ Kua iâ kukala ue o jingimba, mítue ia jitata mu akua Levi, a tunga mu maxilu a tembulu, ia a a katula ku ikalakalu ioso iamukuá, mukonda mu muanha ni mu usuku ene akuata jinga ngó o kikalakaluʼiki kia kukala mu kuimba.

³⁴ Iá ene akexile o mítue ia jitata, muʼaxaxe ka jilevita, atumini mu miji iâ; hé a tunga mu Jeluzaleme.

³⁵ Maji o mu Ngibiione-phe muene mua tungile Jeiele, tata ia Ngibiione, (o dijina dia muhatuʼê Mahaka).

³⁶ O monʼê ua phande-kumbi, Abidone; kua kaiela Zulu, ni Kixi, ni Bahale, ni Nele, ni Nadabe,

³⁷ ni Ngedole, ni Ahiiu, ni Zakadiia, ni Mikalote.

³⁸ O Mikalote muene ua vuala Ximinhá; enhá ue a tungile bhua lulama kumoxi ni jiphange jâ, mu Jeluzaleme.

³⁹ O Nele muene ua vuala Kixi, o Kixi uavuala Saúlu, o Saúlu uavuala Jonata ni Malakisuua, ni Abinadaba, ni Exi-Bahale.

⁴⁰ O mona a Jonata, muenhó Mediba dia Bahale, o Mediba dia Bahale hé u vuala Mika;

⁴¹ o ana a Mika enhá: Pitone ni Meleke ni Taleia.

⁴² O Akaze uavuala Jahela, o Jahela uavuala Alemete, ni Azamavete, ni Zimidi; o Zimidi uavuala Moza.

⁴³ O Moza uavuala Binéia, uavu monʼê Lefaia, uavu monʼê Elasa, uavu monʼê Azele.

⁴⁴ O Azele ua kexile ni ana kisamnu, kia mala, o majina mâ enhá: Azilikane, ni Bakulu, ni Ijimaiele, ni Seiadiia, ni Obadiia, ni Hamane. Enhá, ene oso, ene ana a Azele.