I Malunda 7 - O Mikanda Ikola

Atokala ku muiji ua Isakale

¹ Ku muiji iú, o ana a Isakale, enhá: Tola ni Púua, Jasibe ni Similone, kiuana.

² O ana a Tola, enhá: Uzi, ni Lefaia, ni Jediiele, ni Jamai, ni Ibisane, ni Semuuele, ene atumini a mabhata ma jitata jâ. Akua Tola mala a mazonda mu Uvuadiue uâ; o dialuilu diâ, mu izuua ia Davidi, diatena makuinhi aiadi a midi ni midi jiiadi, ni hama jisamanu.

³ O mona a Uzi, muene ngó Izalaíia. O ana a Izalaíia enhá: Mikaiela, ni Obadiia, ni Jouale, ni Isíia; ene osoʼâ kitanu kiâ, atumini.

⁴ Muʼaxaxe kâ, mu miji iâ, muaxaxi ka majiku ma mabhata mâ, muakexile akua kubhânga, akua kúlua ita, makuinhi a tatu a midi ni kisamanu; mukonda a kexile ni ahatu avulu ni ana-ndenge.

⁵ O jiphange jâ, mu majiku a jifamília joso ja Isakale, mala a mazonda, akexile makuinhi nake a midi ni sambuadi, a alula oso mu miji iâ, ku ma Uvadiue mâ.

Ku Muiji ua Bejamí

⁶ O ana a Bejamí enhá: Bela, ni Bekele, ni Jediiaele, kitatu.

⁷ O ana a Bela: Ezebone, ni Uzi, ni Uziiele, ni Jedimote, ni Ili, kitanu kia ilamba, atumini ku dibhata dia tatʼâ, mazonda a alula mu miji iâ, ku Uvadiue uâ, atena makuinhi aiadi a midi ni midi jiiadi ni makuinhi a tatu ni kiuana.

⁸ O ana a Bekele: Zemila, ni Jouaji, ni Eliezele, ni Eliohuenai, ni Unili, ni Jedimote, ni Abiia, ni Anatote, ni Alamete, ene osoʼâ akexile ana a Bekele,

⁹ Anga a alula mu ma Uvadiue má, tunde ku miji ia atumini a mabhata ma jitata jâ, o mazonda a-te kiavulu, makuinhi aiadi a midi ni hama jiiadi.

¹⁰ O ana a Jediaiele: Bilane ngó: o ana a Bilane enhá: Jehuze ni Bejamí, ni Elude ni Kenahana, ni Zetane, ni Talxixi, ni Aisahele.

¹¹ Ene osoʼâ ana a Jediaiele, akexile ilamba i tumina o mabhata ma jitata jâ, o mazonda a-te kiavulu akexile kuinhi ni sambuadi dia midi, ni hama jiiadi, jakexile mu kutunda ni masoladi phala kuia mu kúlua,

¹² Ni Supime ni Hupine, ana a Ili, ni Husime ku ana a Ahele.

O muiji ua Nafitali

¹³ O ana a Nafitali: Jaziiele, ni Nguni, ni Jezele, ni Salume ana a Bila.

O muiji ua Manasa

¹⁴ O ana a Manasa enhá: Azidiiele, a mu vuala ni muhatu mukua Ngiliiade. (O mukamʼê mukua Sídia, ua vuala Makidi, tata ia Ngiliiade;

¹⁵ o Makidi hé u bhenga phange ia Hufini ni Supime usakana-nê, dijina diê Mahaka); o mona ua mukuá dijina diê Zelofade; o Zelofade muenhú ua vualele ngó ana a ahatu.

¹⁶ Mahaka, muhatu ua Makidi, anga uvala mona ua diiala, hé u mu luka dijina diê Peleze; o dijina dia phange iê Seleji; o anʼâ a mala, Ulame ni Lekeme.

¹⁷ O mona a Ulame, Bedane. Enhá ene ana a Ngiliiade, mona a Makidi, mona a Manasa.

¹⁸ O kua phange iê ia muhetu Hamelekete, u vuala Izode, ni Abiiezele, ni Mahala.

¹⁹ O ana a Semida, enhá: Aiane, Xikeme, ni Likihi, ni Anime.

O muiji ua Ifalaíme

²⁰ O ana a Ifalaíme, enhá: Sutela, ni monʼê Belede, ni monʼê Tahate, ni monʼê Elada, ni monʼê Tahate,

²¹ ni monʼê Zabade, ni monʼê Sutela, ni Ezele ni Elade, a a jibhile kuala o mala a Ngate, akuaʼxi, mukonda ene a kulumukine hé a a tulukila mu ku a bhunda o ibhaku iâ.

²² Kia bhangesa kuila tatʼâ, Ifalaíme, ua a didi o thambi mu izuua ia vulu; o jiphange jê hé eza mu ku mu konda o malamba.

²³ Kia bhiti imiʼii, udimona dingi ni mukajʼê, muene hé uimita, anga u vuala mona ua diiala, anga u mu luka dijina diê Mbediia; mukonda o ima mu bhata diê ki ia kexile kuenda kiambote.

²⁴ O monʼê ua muhatu, Sala, muene ua tungu Bete-Helone ia honga ni ia thala, kiene ue kimoxi ni dibhata dia Uzene-Sala.

²⁵ O mona-phe a Mbediia, muenhú: Lefa, ni Lesefe, ni Tela dia monʼê, ni Tahane dia monʼê,

²⁶ ni Ladane dia monʼê, ni Amihudi dia monʼê, ni Elizama,

²⁷ monʼé Nune, monʼê Josuué.

²⁸ O ixi ia kutunga ni kusoma kua dibhata diê ia mu tokala muene ienhiʼii: Betele, ni ididi ioso ia utuminu uê; o ku thunda, Nahalane, o ku uombe, Ngezele, ni ididi ioso ia utuminu uê, ni Xikeme ni ididi ioso ia utuminu uê, katé ku Aza ni ididi ioso ia utuminu uê.

²⁹ O ku mbandu ia ana a Manasa, Bete-Seane ni ididi ioso ia utuminu uê; Mejido ni ididi ioso ia utuminu uê, Thanake ni ididi ioso ia utuminu uê; Ndolo, ni ididi ioso ia utuminu uê. Mu jimbonge muene muosʼumu, muene mua tungu ana a Zuze, mona a Izalaiele.

Ku muiji ua Asele

³⁰ O ana a Asele, enhá: Imina, ni Isiva, ni Ixivi, ni Bediia, ni Sala, phange iâ ia muhatu.

³¹ O ana a Bediia: Hebele, ni Malakiiele; iú muene o tata ia Bilizavite.

³² O Hebele uavuala Jafelete, ni Somele, ni Hotane, ni Suua, phange iâ ia muhatu.

³³ O ana a Jafelete, enhá: Pasake, ni Bimale, ni Asavate. Iá ene o ana a Jafelete.

³⁴ O ana a Somele: Ahi, Loheka, Jehuba, ni Alane.

³⁵ O ana a Phange iâ Helema: Zofa, ni Imina, ni Sele, ni Amale.

³⁶ O ana a Zofa: Suua ni Halanefele, ni Suuale, ni Mbedi, ni Imila,

³⁷ Ni Mbezele, ni Hodi, ni Sama, ni Silisa, ni Italane, ni Mbehela.

³⁸ O ana a Jetele: Jefune, ni Pispa, ni Ala.

³⁹ O ana a Ula: Ala, ni Haniiele, ni Lísia.

⁴⁰ Ene osoʼâ akexile ana a Asele, atumini ku mabhata a utata uâ, mazonda òsole, atumini a jingana; o a alula mu mísala ia mauvadiue mâ, o mala a kubhânga phala ilômbo ia ita, dialuilu diâ diatena makuinhi aiadi a midi ni midi jisamanu.