I Malunda 25 - O Mikanda Ikola

O ufunu ua jingimba, ni ibuka iê, makuinhi aiadi ue ni kiuana

¹ Davidi, kumoxi ni jikabhitangu ja ilômbo ia ita, uatungula o ana a Azafe, phala o ukunji uenhú ni ana a Hemane ni a Jedutunu, phala kuzambuila mu upolofeta ua kuxika jimbânza, ni tukoxi, ni ísanji, ni tungoma. O mala enhá adilongo kiambote phala o kikalakalu kia ukunji uâ, o dialuilu diâ dienhidi:

² Ku ana a Azafe, akexile kiki: Zakule, ni Zuze, ni Netaniia, ni Azaiia, enhá ene o ana a Azafe, a kalakala jinga ni ku a tumina kuala muene Azafe, uakexile mu kuzambuila ma upolofeta bhoxi dia lukuaku lua sobha Davidi.

³ O kua Jedutunu, akexile ana a Jedutunu, enhá: Jedaliia, ni Nzedi, ni Jesaia, ni Hasabiia, ni Matitiia, ni Ximei, kisamanu, o Jedutunu phaiʻâ muene ua a kala ku pholo, phala kuxika kambanza, o muene kia kaia mu kuxika, u zambula mu upolofeta ni kuximana, ni kusakidila Jihova!

⁴ O kua Hemane, o ana a Hemane enhá: Bukiia, Mataniia, Uziiele, Sebhuele ni Jedimote, Hananiia, Hanani, Eliiata, Ngidaliti, Lematiiezele, Josebekasa, Maloti, Hotile, ni Mahaziiote.

⁵ Ene oso iá akexile ana a Hemane, o muzambuidi ua sobha, ua kexi ni lumono lua kumona, phala kuimba ni kuximana Ngana Nzambi, ni kuzangeleka o kutena kuê. Mukonda Nzambi uabhele kua Hemane kuinhi ni kiuana dia ana a mala, ni ana kitatu a ahatu

⁶ O ana ene oso enhá o jitata jâ muene, ene a a kexile jinge ku pholo ia ku a tumina phala kuimbila o mimbu mu inzo ia Jihova, ni kuxika tungoma, ni ísanji, tukoxi ni jimbânza, phala o ukunji ua inzo ia Ngana Nzambi. O Azafe ue, ni Jedutunu, ni Hemane, anga akala uâ mu ku a tumina kuala sobha.

⁷ O dialuilu diâ kiakiexile mu ku a alula kumoxi ni jiphange jâ, a dilongo kiambote mu kuimbila Jihova, atena jinga hama jiiadi ni makuinhi nake ni nake; ene oso jimesene muene ja kuimba.

⁸ Anga a-ta ibhuku bhu kaẋi ni kioso kiatokala kubhanga jinga o kikalakalu, kixi o ndenge kala o dikota, kixi o mesene kala o mudilongi.

⁹ Kibhuku kia dianga-phe kia kuata mu dijiku dia Azafe, kuma kia tundila kua monʼè Zuze; o kia kaiadi kiakuata Jedaliia; ni muene ni jiphange jê ni anʼê, ene oso a tena kuinhi ni kiiadi.

¹⁰ O kia katatu kia kuata Zakule, ni anʼê ni jiphange jê; ene oso atena kuinhi ni kiiadi.

¹¹ Okia kauana kiakuata kidi, ni anʼê ni jiphange jê, atena kuinhi ni kiiadi.

¹² O kia katanu kiakuata Netaniia, ni anʼê ni jiphange jê, a tena kuinhi ni kiiadi.

¹³ O kia kasamanu kiakuata Bukiia, ni anʼê ni jiphange jê, atena kuinhi ni kiiadi.

¹⁴ O kia kasambuadi kiakuata Jezalela ni anʼê ni jiphange jê, atena kuinhi ni kiiadi.

¹⁵ O kia kanake kiakuata Jesaia, ni anʼê ni jiphange jê, atena kuinhi ni kiiadi.

¹⁶ O kia kávua kiakuata Mataniia, ni anʼê ni jiphange jê, atena kuinhi ni kiiadi.

¹⁷ O kia kakuinhi kiakuata Simei, ni anʼê ni jiphange jê, atena kuinhi ni kiiadi.

¹⁸ O kia kakuinhi ni umoxi kiakuata Azadiiele, ni anʼê ni jiphange jê, atena kuinhi ni kiiadi.

¹⁹ O kia kakuinhi ni kiiadi kiakuata Hasabiia, ni anʼê ni jiphange jê, atena kuinhi ni kiiadi.

²⁰ O kia kakuinhi ni kitatu kiakuata Subaiele, ni anʼê ni jiphange jê, atena kuinhi ni kiiadi.

²¹ O kia kakuinhi ni kiuana kiakuata Matatiia, ni anʼê ni jiphange jê, atena kuinhi ni kiiadi.

²² O kia kakuinhi ni kitanu kiakuata Jedimote, ni anʼê ni jiphange jê atena kuinhi ni kiiadi.

²³ O kia kakuinhi ni kisamanu kiakuata Hananiia, ni anʼê ni jiphange jê, atena kuinhi ni kiiadi.

²⁴ O kia kakuinhi ni sambuadi kiakuata Jozebekasa, ni anʼê ni jiphange jê, atena kuinhi ni kiiadi.

²⁵ O kia kakuinhi ni nake kiakuata Hanani, ni anʼê ni jiphange jê, atena kuinhi ni kiiadi.

²⁶ O kia kakuinhi nʼivua kiakuata Maloti, ni anʼê ni jiphange jê, atena kuinhi ni kiiadi.

²⁷ O kia makuinhi a iadi kiakuata Eliiata, ni anʼê ni jiphange jê, atena kuinhi ni kiiadi.

²⁸ O kia makuinhi aiadi ni umoxi kiakuata Hotile, ni anê, ni jiphange jê, atena kuinhi ni kiiadi.

²⁹ O kia makuinhi aiadi ni kiiadi kiakuata Ngidaliti, ni anʼê ni jiphange jê, atena kuinhi ni kiiadi.

³⁰ O kia makuinhi aiadi ni kitatu kiakuata Mahaziiote, ni anʼê ni jiphange jê, atena kuinhi ni kiiadi.

³¹ O kia makuinhi aiadi ni kiuana kiakuata Lematiiezele, ni anʼê ni jiphange jê, atena kuinhi ni kiiadi.