Romaindjé 16 - Testament ke Siki 1960 (Kabba Laka)

¹ Ma mpa maresè tar ke madji lo könandjè Phoebe, nè ke nto tokou dènè ke ndjè ngem né kei Allah té ke Cenchrées.

² Mbata kare sésè etèèdjé mè Mbaibé Seigneur té, tokou ase ndjè ko mè tédjé, edaidjé arè né toï ke nè ndiki, mbata nè ndja nda ke maredjé baya ke ma ndja tò.

³ Edaidjé laphia Prisca ke Aquilas, ndjè koumam koula té mè Christ Jésus té.

⁴ Mbata dèdè doun ròdè dadjim né, sè ma ke kadam ndadè woio ba ang, a kei Allah toï lo Gentildjé tò.

⁵ Edaidjé laphia kei Allah ke to mè kei té lodè to. Edaidjé laphia Epaïnète, nè ke mam ndikè nya, nè nto doou ke dongor ke wo mèa té ke Christ ke Asie té.

⁶ Edaidjé laphia Marie, nè ke nda koula nya horosè té.

⁷ Edaidjé laphia Andronicus ke Junias, noudjoumdjé ke ndjè koumam kei koula té. Dèdè ke nto tokou dooudjé horo ndjè kouladjé té, dèdè ke déh mè Christ té dongor darem.

⁸ Edaidjé laphia Amplias, nè ke mam ndikè nya mè Mbaibé Seigneur té.

⁹ Edaidjé laphia Urbain, ndjè koumadjé ke koula mè Christ té, ke Stachys, nè ke mam ndikè nya.

¹⁰ Edaidjé laphia Apellès, nè ke nase ke deoè mè Christ té. Edaidjé laphia ndjè ke kei lo Aristobule.

¹¹ Edaidjé laphia Hérodion ke to noudjoum. Edaidjé laphia ndjè ke kei lo Narcisse, dèdè ke déh mè Mbaibé Seigneur té.

¹² Edaidjé laphia Tryphène ke Tryphose, dèdè ke nda koula mè Mbaibé Seigneur té. Edaidjé laphia Perside, nè ke dèdè ndikè nya, ke nda koula nya mè Mbaibé Seigneur té.

¹³ Edaidjé laphia Rufus, nè ke mberè mè Mbaibé Seigneur té, ke edaidjé laphia këndjè ke to lom to.

¹⁴ Edaidjé laphia Asyncrite, Phlégon, Hermès, Patrobas, Hermas, ke ngaködjèdjè ke éh kesè.

¹⁵ Edaidjé laphia Philologue ke Julie, Nérée ke könanè ke dènè, ke Olympe, ke ndjè ko mè tédjé toï ke éh kedè.

¹⁶ Edaidjéna laphia horosè té ke to mbi na ke madji. Kei Allah lo Christ toï dasè laphia.

¹⁷ Mam ndoudjousè nya, ngakömdjé, woidjé deo lo dooudjé ke ila tar kaina ke err touka gòl, ke asena ke tar ke ntòdjousè leo ang, ïyaidjédè.

¹⁸ Mbata dooudjé ke ban da ke Mbaibé lodjè Christ ang, a nda ke mèdè ndja. Dèdè dere mè dooudjé ke éh ke madjang ang ke tar gousou lodè.

¹⁹ Mbata ko tar losè oso mbi dooudjé té toï, tokou ban misi ke koukou mbata losè, a mam ndiki ta kare isidjé ke kemkarè ke ta geré né ke to madji, ke ta kare isidjé tokou dooudjé ke geré né ke to né ke madjang ang.

²⁰ Bana Allah ke ndjè mè woul a kouba Satan ko gòlsè té ndjange ndjange. Tòkou mè madji lo Mbaibé lodjè Jésus Christ éh kesè.

²¹ Timothée, ndjè koumam koula té dasè laphia, Lucius, Jason ke Sosipater, noudjoumdjé ndasè laphia to.

²² Ma Tertius ke da maketourou nèn, mam ndasè laphia mè Mbaibé Seigneur té.

²³ Gaïus, ndjè ngemem ke dooudjé ke kei Allah té toï, nè ndasè laphia. Eraste, ndjè ngem narè tokou béh té nèn, ke ngoködjè Quartus ndasè laphia.

²⁴ Tòkou mè madji lo Mbaibé lodjè Jésus Christ éh kesè toï. Amen.

²⁵ Ke nè ke nase ngengsè deo tar té ke madji lom, deo tòdjou tar té lo Jésus Christ, deo tar té ke ntòdjou ke daka gel tar ke yarè leo ke bal nya,

²⁶ A téh bashénè deo maketourou té lo prophètedjé ke ntòdjou gel dooudjé toï, deo tar té ke Allah ke ke ndò ke ndò pa, tai karedè ndiki ta ko tar ko mè té.

²⁷ Ndokoo to lo Allah ke to kemkarè ke kadèba ke ndò ke ndò, deo té lo Jésus Christ. Amen.