Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Apocalypse 14 - Testament ke Siki 1960 (Kabba Laka)

1 Bana ma maa loou, ke wo, mo Ngon bati ke arr do tòkou err Sion té, dooudjé dourou dòdòkou gérè dourou dòsò ke dourou sò éh sa, dèdè ke nda ria ke ri Bèdjè natenòdè té.

2 Ma mo ndou ke dara tokou lo boula man ke baya, ke tokou lo boula ndi ke ndange ngeng, ndou ke ma mo to tokou bar lo ndjè kondédjé ke ounda kondé lodè.

3 Dèdè dòsou pa ke siki nò ngèndé ko béh té, ke nò dadjé té ke tébe sò, ke nò boukadjé té. Doou kada ase ta geré kandé pa nèn ang sè dèdè ke dourou dòdòkou gérè dourou doso ke dourou sò, ke dadjidè ke nange nèn.

4 Yèn to dèdè ke nda ròdè madjang deo té lo dènèdjé ang, mbata dèdè nto ngamandédjé. Yèn to dèdè ke dao go Ngon bati té loou toï ke nao kendé. Dèdè dadjidè ke horo dooudjé té tokou lo kandé ke dongor mbata Allah ke mbata Ngon bati.

5 Dinga ngem tadè té ang, mbata dèdè déh ke yèdo kada ang.

6 Gè té nèn, ma mo mare ange ao dan dara té, néh ke tar ke madji ke ke ndò ke ndò, ta pa kare dèdè ke disi do nange té, béh toï, gel dooudjé toï, ke ta dang dang toï, ke dooudjé toï.

7 Nè mpa ke ndou ke bar nya, Ebelidjé Allah, òsidjé gadjè, mbata ndò gange saria la dé mbä, ke ewalidjé nè ke nda dara ke nange ke tokou man ke dòman.

8 Mare ange ke djo dé gè té pana, Noso, noso, tòkou Babylone ke boui, nè ke nare béhdjé toï aih vin ongou kaiya la.

9 Mare ange ke mouta dé gè té pa ke ndou ke bar nya, Tokou mare doou kada wal da ke make la, ke inga ndadji natenòè té aséh dja té,

10 Nè na kaih vin ongou lo Allah to, ke mbel ngonarè ongou té la ke mpolè ang, nè na ko ndoo mè pourou té ke koundou sa no angedjé té ke madji toï, ke no Ngon bati té.

11 Sa né ndoo lodè ao tarr ke ndò ke ndò, da kwaa ròdè ang kade rem tilti rem, dèdè ke nwal da nèn ke make la, ke dinga ndadji ria.

12 Yèn to ndò ta kare mè ndjè ko mè tédjé enge ang, dèdè ke ngem tar ndedji lo Allah ke ko mè té lo Jésus.

13 Ma mo ndou ke dara pana, Eda maketourou té, Madji éh ke ndjè yodjé ke woei mè Mbaibé Seigneur té, ounkotè ke ndò té ke nèn. Madji ke tokoro, Ndil ndja pa, baa ta kare dwaa ròdè koula té lodè, mbata koula ke dèdè nda ao godè té.

14 Gè té ma maa loou, ke wo, mo ndi ke il ke ndaa, ke dò ndi té ke il nèn mare doou isi dè té ke to tokou Ngon lo doou, néh ke djòkedò lor dè té, kiaa ke ate nya to dja té.

15 Mare ange kada téh mè tòkou kei Allah té, nè mpa ke ndou ke bar nya nare nè ke nisi do ndi té ke il, mpana, Etourou ndö kiaa loi oudja ko, mbata nai koudja ko dé mbä, mbata ko ke do nange té sange mbä.

16 Tokou ban nè ke nisi do ndi té ke il, nila kiaa la dò nange té ke ko ke nange tokou koudja toï mbä.

17 Mare ange kada téh tòkou kei Allah té ke dara, nè néh ke kiaa ke ate nya to.

18 Mare ange kada téh bann té, ange ke éh ke singa do pourou té, nè mpa ke ndou ke bar nya nare nè ke néh ke kiaa ke ate nya, Etourou ndò kiaa loi, oudja kandé ndouou ke nange è n, mbata kandè woei mbä.

19 Tokou ban ange nèn ila kiaa la dò nange té, ke mbòn kandé ndouou ke nange nèn, nila kandè mè tòkou biri korè man kandé ongou té lo Allah.

20 Mbòï mè tòkou biri nèn giri béh té, ke mese téh tòkou biri té nèn ngal ase kèngèlèng ta soundadjé, dèbè eo ase kourou deo kòr mouta gérè dòdjo.

© British and Foreign Bible Society 1960, 2018

Bible Society of Chad
ကြှနျုပျတို့နောကျလိုကျပါ:



ကြော်ငြာတွေ