2 Piyɛr 3 - Testament ke Siki 1960 (Kabba Laka)

¹ Sésè ke mam ndikisè nya, yéh nèn to maketourou djo ke mam nda maresè loshénè, ke yéh té ke djokem mam ndedji gousou kemkarè losè ke éh ke madjang kada ang, deo kolè mèsè té,

² Ta kare ikisè ang tar ke prophètedjé ke madji toï pa aresè leo, ke tar ndedji lo Mbaibé Seigneur ke ndjè kadji deo té lo ndjè kouladjé losè.

³ Mbata asidjé geré né nèn dongor, ndò té ke goukou ndjè koukou madjang a dé ke tar koukou madjang, dèdè da ndja deo boo ke ròdè té ndja.

⁴ Dèdè mpana, Ndò ke nè mpa ta dé éh da wa? Mbata ounkotè ke ndò ke leo ke bòdjèdjèdèdè doei mbä, né toï nai deo kadaba tokou to leo ke ndò da né.

⁵ Mbata dèdè ndiki ta kare tar nèn ikidè, deo tar té lo Allah dara to leo dongor, ke nange téh horo man té ke nda deo man té.

⁶ Ke deo né té nèn, nange ke to leo toudjou mbata man dousou do nange toï.

⁷ A deo tar té nèn to, ngem dara ke nange ke loshénè nèn mbata pourou, ngemdè sar ndò gange saria ke ndò toudjou dooudjé ke mbeté Allah kem pourou té.

⁸ A aridjé tar nèn ikisè ang, sésè ke mam ndikisè nya, ke kem Mbaibé Seigneur té ndò kada to tokou bal dourou, ke bal dourou to tokou ndò kada.

⁹ Mbaibé Seigneur ngebe ang mbata né ke nè nto, tokou mare doou wo né to goukou, a nè nourou wourè mbata losè, mbata nè ndiki doou kada ta kwoei ang, a nè ndiki ta kare dèdè toï ndé mbeté kedji né da ke madjang.

¹⁰ A ndò lo Mbaibé Seigneur a dé tokou ndjè boukou, ke ndè tén dara a ndai ke ki ke boula nya, né ke da dara kendé a toudjou mbata pourou ke ö nya, ke pourou a ko nange ke koula ke to kendé.

¹¹ Mbata né nèn toï a toudjou tokou ban, ase kare isidjé tokou ban wa, ke ndja ke madji toï deo ngem tar té lo Allah.

¹² Ngebidjé téh lo ndò lo Allah ke boo nya, mbata ndè té ke nou dara ke pourou ao ö a toudjou, ke né ke da dara a lë, mbata pourou ke ö nya.

¹³ A deo tar té ke nè nto, djèdjè ngebe dara ke siki, ke nange ke siki ke gaté gaté isi kendé.

¹⁴ Mbata tar nèn, sésè ke mam ndikisè nya, mbata sésè ngebidjé né nèn, edaidjé ke mèsè toï baa ta kare nè ningasè ke mè woul, a ke yèdo aséh né ke madjang ngadji ang.

¹⁵ Woidjé kourè wour lo Mbaibé Seigneur tokou kadji. Deo kadaba tokou ngoködjè Paul ke djèdjè ndikè nya da maketourou aresè, deo kemkarè té ke darè.

¹⁶ Deo kadaba mè maketourou té la toï, nè mpa tar né nèn kendé. Mare tar to kendé ke to ngeng ta geré, né ke ndjè ke geré né ang ke ndjè ke ngeng ang ntourou deoè, tokou dèdè nda ke mare tar mè maketourou té lo Allah to, mbata kwoei lodè ndja kem pourou té.

¹⁷ Tokou ban, sésè ke mam ndikisè nya, mbata sésè egeridjé né nèn kèté, ngemidjé madji mbata dooudjé ke madjang wotasè ke tar ke gatang lodè ang, baa ta kare osoidjé deo kwaa ngeng té losè.

¹⁸ A etòkidjé nya ke tòkou mè madji ke gousou geré Mbaibé Seigneur ke ndjè kadjidjè Jésus Christ. Ndokoo to la loshénè nèn ke sar ndò ke ndò tò. Amen.