Thaburi 85 - ÎVUKU RÎA ÛVORO MWARO

Kûvoya nîûndû wa wagîrîru wa vûrûrirî

¹ We Ngai-Mûnene, nîwîguîrîrîte vûrûri waku ntha; nîûtûmîte Jakovu athatûkwa rîngî.

² Nîûrekerete andû aku mevia mao, nîûmakirîrîrîtie mavîtia mao monthe.

³ Nîûthirîtie marakara maku monthe, nîûtigîte kûgîa na marakara marûrû.

⁴ Tûcokie twîkare ûrîa twekariî mbere, we Ngai mûvonokia wetû, na ûtige kûrakara nîûndû wetû.

⁵ Nîkwa ûgûtûûra ûrakarîte nîtue tene na tene? Nîkwa ûgûtûûra ûrakarîrîte njiarwa cionthe?

⁶ Tûma tûgîe na vinya rîngî, nîguo andû aku makenage nîûndû waku.

⁷ We Ngai-Mûnene, twonie wendo waku ûtathiraga, na ûtûve ûvonokio waku.

⁸ Tiga mbîgue ûrîa Ngai-Mûnene Ngai akuga; nîûndû nîarerîra andû ake thayû, ethîrwa matigûcoka gwîka maûndû ma ûrimû rîngî.

⁹ Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

¹⁰ Wendo ûtathiraga na wîvokeku nîigaacemania, ûthingu na thayû nîikaamumunyana.

¹¹ Wîvokeku wa mûndû nî ûkaauma nthî, naguo ûthingu wa Ngai ûnyûrûrûke kuuma îgûrû.

¹² Nîma Ngai-Mûnene nîagaatûretera irathimo, na vûrûri wetû nîûkaagîa na maketha meengî.

¹³ Ûthingu nîûgaatongoreria Ngai-Mûnene; na nîûkaamûthondekera njîra.