Thaburi 54 - ÎVUKU RÎA ÛVORO MWARO

Ngai nîke ûndethagia

¹ Mvonokia na ûvoti waku, we Ngai; ndekereria na vinya waku!

² Îgua îvoya rîakwa, we Ngai, thikîrîria ûrîa nîrakwîra!

³ Andû arîa etîi nîmarantharîkîra, andû arîa aganu nîmarenda kûmbûraga, andû arîa matarûmbûyanagia na ûvoro wa Ngai.

⁴ Nwatî Ngai nîke ûndethagia. Mwathani nîke ûngitagîra.

⁵ Ngai nîagaatûma nthû ciakwa icokererwe nî waganu wao o ene, na amathirie nîûndû wa wîvokeku wake.

⁶ Nîngaakûrutîra îgongoona na ngoro yakwa yonthe, nîngaagûcokeria ngatho nîûndû nîguo kwagîrîrîte.

⁷ Nî ûmvonoketie kuuma mathînarî makwa monthe, na nîmonete nthû ciakwa ikîvootwa.