Thaburi 52 - ÎVUKU RÎA ÛVORO MWARO

Îtuîro rîa Ngai na ntha ciake

¹ We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

² Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

³ We nîwendete maûndû macûku gûkîra maûndû maro na nîwendete kûveenania gûkîra kwaria ûma.

⁴ We wendete kwaria maûndû ma gûcûkangia andû, we mûthaani ûyû!

⁵ Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

⁶ Andû arîa athingu nîmakoona ûguo na nîmagetigîra; nîmagaacoka makûthekerere makiugaga atîrî,

⁷ “Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

⁸ Nwatî nie mbîkariî ta mûtî wa mûtamaiyû ûgîkûra nyombarî ya Ngai, nîîvokaga wendo ûtathiraga wa Ngai tene na tene.

⁹ Nîndûûra ngûcokagîria ngatho, we Ngai, nîûndû wa ûrîa wîkîte, nîngaanîrîra wega waku gatagatîrî ka andû aku arîa magwîtîkîtie.