Thaburi 16 - ÎVUKU RÎA ÛVORO MWARO

Îvoya rîa ûmîrîru

¹ Ngitagîra, we Ngai; nîûndû nîke nîîvokete.

² Mbîraga Ngai-Mûnene atîrî, “We wî Mwathani wakwa; maûndû monthe maro nîrî namo maumaga kûrî we.”

³ Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

⁴ Andû arîa magoocaga ngai ciîngî, nîmeretagîrîra mathîna meengî mûno, Nie ndikaanyitanîra nao makîruta magongoona mao, na ndikaagooca ngai ciao.

⁵ We Ngai-Mûnene, nîwe îgai rîakwa, nîwe ûmvecaga indo cionthe irîa mvataraga, ûtûûro wakwa ûrî njararî ciaku.

⁶ Ûngaîrîte kûndû kwaro mûno, nama, îgai rîakwa nî rîaro mûno!

⁷ Nîngumagia Ngai-Mûnene nîûndû nîandongoragia, na ûtukû thamiri ciakwa nîindaaraga.

⁸ Vîndî cionthe Ngai-Mûnene nîandongoragia, arî vamwe nanie na ndingîenyenya.

⁹ Kwoguo nîracokia ngatho na nîrî na gîkeno, na nîndûûra nîrî mûgitîre,

¹⁰ nîûndû ndûkaandiganîria nthiî kwa arîa akuû, kana ûtiganîria nie ngwîvokete mborere mbîrîrarî.

¹¹ We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.