Thaburi 132 - ÎVUKU RÎA ÛVORO MWARO

Gûkumia hekarû

¹ We Ngai-Mûnene, ririkana Daudi, ndûkariganîrwe nî mathîna monthe marîa onete.

² Ndûkariganîrwe nî ûrîa evîtire kûrî Ngai-Mûnene, ûrîa evîtire kûrî Mwene vinya Ngai wa Jakovu atî:

³ “Ndigaatonya nyombarî yakwa, kana mama ûrîrîrî wakwa,

⁴ ndigeetîkîra kûnyitwa nî toro kana ngocerere,

⁵ nginya rîrîa ngaatumîra Ngai-Mûnene vandû va gwîkara, gîkaro Kîam Mwene vinya Ngai wa Jakovu.”

⁶ Tûrî Bethilehemu nîtwegwire ûvoro wa îthandûkû rîa kîrîkanîro, na tûkîrîthîrîria mîgûndarî ya Jearimu.

⁷ Nîtwaugire atîrî, “Nîtûthiî nyombarî ya Ngai, tûkamûgooce tûrî mbere ya gîtî gîake Kîam ûthamaki.”

⁸ We Ngai-Mûnene, ûkîra ûtonye nyombarî yaku, we na îthandûkû rîa Kîrîkanîro rîa vinya waku.

⁹ Athînjîri-Ngai aku marotûûra marî athingu, na andû aku nîmanîrîre nî gûkena.

¹⁰ Nîûndû wa Daudi, ndungata yaku, ndûkarege mûthamaki ûrîa wamûrîte.

¹¹ Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

¹² Ethîrwa ciana ciaku nîikaavingia kîrîkanîro gîakwa, na maathani makwa marîa ngaamathomithia, anake ao wanao magaatuîka athamaki tawe.”

¹³ Ngai-Mûnene nîathuurîte Zayuni; nîonete kwagîrîrîte gûtuîke gîkaro gîake.

¹⁴ “Îno nîyo nyomba yakwa îrîa ngûtûûra tene na tene; nîndûûra gûkû nîûndû nînîkwendete.

¹⁵ Nîngaava Zayuni kîrîa kîonthe îkaavatara, nîngaava athîni a kuo irio cia kwîgana.

¹⁶ Nîngecûria athînjîri-Ngai a kuo ûvonokio, nao andû a kuo nîmakaanîrîra nî gûkena.

¹⁷ Nîngaatûma kuume ûmwe wa njiarwa cia Daudi arî mûthamaki; nîmwamûrîte atuîke ta taa ya andû akwa.

¹⁸ Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”