Thaburi 120 - ÎVUKU RÎA ÛVORO MWARO

Îvoya rîa gwîtia ûtethio

¹ Rîrîa naarî mathînarî nînakaîre Ngai-Mûnene, nake akîmbîgua.

² Mvonokia, we Ngai-Mûnene, kuuma kûrî andû arîa maveenanagia.

³ Mue arîa mûveenanagia, Ngai akaamûva ndûî? Mûkaaverithua na njîra îrîkû?

⁴ Na mîguî mîûgî ya mûthigari, na makara magîakanaga mwaki!

⁵ Kaî nîrî na thîna-î atî ndûûraga ta mûgeni vûrûrirî wa Mesheki, ta mûgeni magemarî ma Kedari.

⁶ Nîndûûrîte kavinda karaca mûno, na andû arîa mathûrîte thayû.

⁷ Rîrîa ngwaria ûvoro wa thayû, o maragia ûvoro wa mbaara.