Thaburi 12 - ÎVUKU RÎA ÛVORO MWAROÎvoya rîa gwîtia ûtethio 1 Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî. 2 Wa mûndû nîaveenagia ûrîa wîngî, maveenanagia makînyûrûranagia. 3 Ngai-Mûnene ûrokiria mîromo îo înyûrûranagia, na ûkirie andû acio metîîaga, 4 makiugaga atîrî, “Ciugo cietû nîcio igaatûma tûvootane, twaragia ûrîa tûkwenda na gûtirî mûndû ûngîtwatha.” 5 Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.” 6 Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja. 7 Ûûi, Ngai-Mûnene tûgitagîre, ûtûmenyagîrîre vîndî cionthe kuuma kûrî andû aya aganu. 8 Andû arîa aganu marî kûndû kuonthe, andû onthe makumagia maûndû marîa macûku. |
©Bible Society of Kenya, 2019
Bible Society of Kenya