Ntha 26 - ÎVUKU RÎA ÛVORO MWARO

Îgema rîa Gûcemanîrua

¹ Ngai-Mûnene nîwacokire akîra Musa atîrî, “Ûgaatuma îgema rîa gûcemanîrua na itambaa îkûmi cia nguo ya vamba itumîtwe na ndigi cia rangi ya vururu, njambarawe, na rangi îno ndune. Gîtambaa kîu kîgemue na wara na mîvuanano ya akerubi.

² Itambaa icio cionthe, wa gîtambaa kîthîrwe kîrî Kîam ûraca wa mita îkûmi na igîrî na wariî wa mita igîrî.

³ Itambaa ithano itumithanue vamwe, na icio ciîngî ithano nacio itumithanie vamwe.

⁴ Ûkaarûtha ivûrûrîro cia tûtamî twa rangi wa vururu ûirûthe na mwena wa nja wa gîtambaa Kîam mûthiia Kîam irîa itumithanîtue vamwe.

⁵ Itambaa cia mbere irîa itumithanîtue vamwe, wîkîre ivûrûrîro mîrongo îtano gîtambaarî Kîam mbere. Nakîo gîtambaa Kîam mûthiia Kîam irîa itumithanîtue vamwe gîkundi gîa kaîrî, wîkîre ivûrûrîro mîrongo îtano. Ivûrûrîro cia mbere ciîthîrwe ithimanîte na ivûrûrîro cia kaîrî.

⁶ Ûcoke ûrûthe icûvî mîrongo îtano cia thaavu cia kûnyitithania itambaa irîa itumithanîtue vamwe cia mbere na cia kaîrî nîguo îgema rîa Ngai-Mûnene rîthîrwe rîrî kîndû kîgima.

⁷ “Ûgaatuma kîndû gîa gûkunîka îgema. Ûgîtume ûgîtûmagîra itambaa îkûmi na kîmwe itumîtwe na guoya wa mbûri.

⁸ Ûgaatuma cionthe ciîganene, irî na wariî wa mita igîrî na ûraca wa mita îkûmi na ithatû.

⁹ Ûgaatumithania itambaa ithano vamwe ituîke gîcunjî kîmwe, ûcoke ûtumithanie icio ciîngî ithathatû vamwe irî gîcunjî gîa kaîrî. Gîtambaa gîa gatandatû ûgaakûnja maita maîrî mwena wa mbere wa îgema.

¹⁰ Gîcunjîrî Kîam mbere ûkaarûtha ivûrûrîro mîrongo îtano mwenarî wa gîtambaa Kîam mûthiia. Na ûgeeka wata guo gîtambaarî Kîam mûthiia Kîam gîcunjî gîa kaîrî.

¹¹ Ûkaarûtha icûvî mîrongo îtano cia gîcango, ûitonyie ivûrûrîrorî inyitithanie icunjî icio igîrî vamwe nîguo irûthe gîkunîki kîmwe.

¹² Nayo nuthu ya gîcunjî kîu kîngî gîgûtigara gîgaacuura mwena wa vuva wa îgema.

¹³ Gîcunjî kîrîa gîgaatigara Kîam cendimita mîrongo îtano (50) gîcunjurîte mîena îrîa mîraca yoîrî gîkunîkîre îgema rîa Ngai-Mûnene mîena yonthe.

¹⁴ “Ûkaarûtha ikunîkîri ciîngî igîrî. Kîmwe Kîam rûûo rwa ndûrûme rûrî rûrinde rangirî ndune. Kîu kîngî nakîo ûkîrûthe na rûûo rûrî rûtanduke gîtuîke gîa gûkunîkîra mwena wa nja.

¹⁵ “Ûkaarûtha mbaû cia kûrûngamia îgema cia mûtî wa mûgaa.

¹⁶ Wa rûvaû rwîthîrwe na ûraca wa mita inya na wariî wa cendimita mîrongo îtandatû na ithathatû (66).

¹⁷ Na wa rûvaû rwîthîrwe na tûcunjî twîrî tumîrîte. Tûcunjî tûu nîtuo tûngîvotithia rûvaû kûnyitithanua na rûu rwîngî. Mbaû cionthe ciîthîrwe ciîkariî ûguo.

¹⁸ Ûkaarûtha mbaû mîrongo îîrî cia mwena wa îveti wa îgema,

¹⁹ na wa rûvaû ûrûrûthîre itina igîrî cia sîlûva. Itina icio cia sîlûva ciîkîrwe rungu rwa rûvaû, natuo tûcunjî tûrîa twîrî tumîrîte tûnyitîrîrwe nî itina icio.

²⁰ Mwena wa rûgûrû wa îgema ûrûthe mbaû mîrongo îrî (20),

²¹ na ûrûthe itina mîrongo îna (40) cia sîlûva. Wa rûvaû rwigîrîrwe îgûrû rîa itina igîrî.

²² Naguo mwena wa îthûîro wa îgema ûrûthe mbaû ithathatû,

²³ na mbaû igîrî cia mîthiia ya mwena wa vuva.

²⁴ Mbaû icio cia mîthiia inyitithanue vamwe kuuma nthî nginya îgûrû. Nthî ciîthîrwe irekanîtie na îgûrû inyitanithue na gîcûvî. Mîthiia yoîrî îkethîrwa irûthîtwe ûguo.

²⁵ Kwoguo gûkethîrwa na mbaû cia kûrûngama inyanya na itina ciacio cia sîlûva îkûmi na ithathatû (16), wa itina igîrî nthî ya rûvaû rûmwe.

²⁶ “Ûkaarûtha mîkîgo îkûmi na îtano ya mbaû cia mûgaa. Ithano cia mwena ûmwe wa mbaû cia kûrûngamia îgema,

²⁷ na mîkîgo îtano ya mbaû cia mwena ûcio wîngî wa kûrûngamia îgema, na mîkîgo îtano ya mbaû cia kûrûngamia îgema cia vuva na mwena wa îthûîro.

²⁸ Mûkîgo wa gatagatî ûrî nuthu ya îgema kûthiî na îgûrû ûvîtûkîrîre gatagatî kuuma mûthiia ûmwe wa îgema nginya mûthiia ûcio wîngî.

²⁹ Ûkaavaka mbaû cia kûrûngamia îgema thaavu, na ûrûthe icûvî cia thaavu cia kûnyitîrîra mîkîgo, na ûcoke ûvake mîkîgo îo thaavu wanayo.

³⁰ Ûgaatuma îgema kûringana na ûrîa wataarîrue ûvoro warîo ûrî kîrîmarî.

³¹ “Ûkaarûtha gîtambaa Kîam nguo îrîa mbaro gîtumîtwe na ndigi cia rangi wa vururu, njambarawe, na rangi mûtune. Gîtambaa kîu nîkîgemue na mîvuano ya Akerubi.

³² Gîtambaa kîu ûgaagîcuria itugîrî inya cia mîtî ya mûgaa ivakîtwe thaavu. Itugî icio nacio ciîthîrwe irî na icûvî cia thaavu na itonyetue itinarî cia sîlûva.

³³ Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

³⁴ Nîûkaaigîrîra gîkunîko îgûrû rîa îthandûkû rîa kîrîkanîro rîrî vandû varîa vatheru Mûno.

³⁵ Nja ya vandû varîa vatheru Mûno, ûkaaiga metha vakuvî na rûthingo rwa mwena wa rûgûrû rwa îgema. Naguo mwena wa îveti wa îgema wige vandû va kwigîrîrwa taa.

³⁶ “Nîûgaaûtuma gîtambaa Kîam nguo Kîam mûromo wa îgema na nguo mbaro îtumîtwe na ndigi cia rangi wa vururu, njambarawe, na rangi îno ndune na gîtumîtwe waro.

³⁷ Ûkaarûthîra gîtambaa kîu itugî ithano cia mûtî wa mûgaa na ivakwe thaavu. Nacio icûvî ciacio ciîthîrwe irî cia thaavu na ûcoke ûrûthîre itugî icio itina cia gîcango.