Ezira 10 - ÎVUKU RÎA ÛVORO MWARO

Andû a Isiraeli nîmaaumbûrire mevia mao

¹ Ezira nîwavoyaga akîrîraga na akiumbûraga mevia make akîgwîthagia nthî mbere ya hekarû. Vîndî wa îo gîkundi kînene Kîam andû a Isiraeli arûme, aka, na ciana, nîmaaûkire na makîûngana mamûthiûrûrûkîrîtie makîrîraga marî na ûrûrû mwîngî mûno.

² Nake Shekania mûvîcî wa Jehieli wa mbarî ya Elamu nîwerire Ezira atîrî, “Twîthîrîtwe tûtarî evokeku kûrî Ngai na njîra ya kûvikia erîtu a ndûrîrî irîa ciîngî. Nwatî kûnarî ûguo andû a Isiraeli marî na mwîvoko.

³ Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

⁴ Ûkîra wîke ûrîa wagîrîrwe nî gwîka. Îîyûmîrîrie tue nîtûgûkûnyita mbaru.”

⁵ Kwoguo Ezira nîwaûkîrire na akîthiî kûrî atongoria a athînjîri-Ngai, Alawi na atongoria na andû acio engî a Isiraeli. Nake nîwamerire mevîte na mauge atî mageeka wata ûrîa Shekania aaugîte. Nao nîmeevîtire.

⁶ Nîwaumire vau mbere ya hekarû ya Ngai na akîthiî kûrî Jehohanani mûvîcî wa Eliashibu kanyombarî karîa aamamîte. Ndaarîcaga kîndû kana anyua manjî nîûndû nîwacakayaga nîûndû wa andû arîa maathamîtue kûrega kwîvokeka.

⁷ Nayo ndûmîrîri nîyatûmanirwe Juda na Jerusalemu kuonthe atî andû arîa maacokire kuuma îthamîriorî nîmagaacemania Jerusalemu.

⁸ Ndûmîrîri îo yatûmanirwe nî atongoria a andû a Isiraeli. Na mûndû wa wonthe ûngîaregire kûthiî kavindarî kau ka mîthenya îthatû, nîwarutagwa gîkundirî Kîam andû arîa engî na agacoka agacunwa indo cionthe irîa arî nacio.

⁹ Mîthenyarî îo îthatû, arûme onthe kuuma vûrûrirî wa Juda na wa Benjamini nî maagomanire Jerusalemu na magîkara kîvarorî Kîam hekarû. Mûthenya wa mîrongo îîrî wa mweri wa kenda kwarî na mbura nene mûno, na andû arîa maagomanîte kûu Jerusalemu nî maatetemaga nîûndû wa maûndû mau na nîûndû wa mbura.

¹⁰ Ezira, mûthînjîri-Ngai nîwarûngamire na akîra andû atîrî, “Nîmunîte watho wa Ngai na njîra ya kûvikia aka ageni, na mûgatûma vûrûri wa Isiraeli ûgîe na mevia meengî.

¹¹ Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

¹² Nao andû onthe arîa maagomanîte vau nîmaacokirie na mûgambo mûnene na makiuga atîrî, “Nîguo nîtûgwîka ûrîa wonthe wauga twîke.

¹³ Nwatî tûrî eengî mûno na nîkûraura mûno. Tûtingîvota kûrûngama nja gûkiuraga na ûndû ûyû ndûngîthira na mûthenya ûmwe kana îîrî nîûndû andû eengî etû nîmekîte wîvia ûyû.

¹⁴ Anene etû nîmarûngamîrîre andû arîa onthe magomanîte ava. Nao andû a matûûra monthe arîa mavikîtie aka ageni maûkage mavinda marîa mamûre marî vamwe na atongoria ao na acirithania kuuma matûûrarî mao nginya rîrîa marakara mau manene ma Ngai magaatûthengutîra.”

¹⁵ Gûtirî mûndû wana ûmwe wareganire na mûvango ûcio tiga Jonathani mûvîcî wa Asaheli na Jahizeia mûvîcî wa Tikiva. Nake Meshulamu na Shabethai Mûlawi nîmeetîkanirie na andû arîa maareganire na mûvango ûcio.

¹⁶ Andû arîa maacokete kuuma îthamîriorî nîmeetîkanirie na mûvango ûcio. Ezira mûthînjîri-Ngai nîwathuurire arûme arîa maarî atongoria a nyomba cia methe mao kûringana na nyomba ciao na wa mûndû akîandîkwa rîîtwa rîake. Mûthenya wa mbere wa mweri wa îkûmi nîmeekarire nthî na nîmaambîrîrie gûtuîria maûndû.

¹⁷ Na mûthenya wa mbere wa mweri wa mbere mwaka ûcio warûmîrîrîte nîmaatuîrîtie maûndû ma arûme onthe arîa maavikîtie aka ageni.

Andû arîa maavikîtie aka ageni

¹⁸ Ûyû nîguo mûtaratara wa arûme arîa maavikîtie aka ageni. Njiarwa cia athînjîri-Ngai maarî Maaseia, Eliezeri, Jaribu na Gedalia. Acio maarî avîcî a Joshua na aa mûrwang'ina, nao maarî avîcî a Jehozadaki.

¹⁹ Nao nîmeeranîre atî nîmagûtecana na aka ao na nîmaarutire ng'ondu ya kîgongoona nîûndû wa mevia mao:

²⁰ Mbarî ya Imeri maarî: Hanani na Zebadia.

²¹ Mbarî ya Harimu maarî: Maaseia, Elija, Shemaia, Jehieli, na Uzia.

²² Mbarî ya Pashihuri maarî: Elioenai, Maaseia, Ishumaeli, Nethaneli, Jozabadi na Elasa.

²³ Alawi nao maarî: Jozabadi, Shimei, Kelaia (ûrîa wecîkene rîngî Kelita), Pethaia, Juda, na Eliezeri.

²⁴ Arîa maarî aini a nyîmbo nî Eliashibu. Arangîri a kîvingo nî Shalumi, Telemu na Uri.

²⁵ Acio engî nao maarî: Mbarî ya Paroshi nî Ramia, Izia, Malikija, Minjamini, Eleazaru, Malikija, na Benaia.

²⁶ Mbarî ya Elamu nî Matania, Zekaria, Jehieli, Abudi, Jeremothi, na Elija.

²⁷ Mbarî ya Zatu nî Elioenai, Eliashibu, Matania, Jeremothi, Zabadi, na Aziza.

²⁸ Mbarî ya Bebai nî: Jehohanani, Hanania, Zabai na Athilai.

²⁹ Mbarî ya Bani nî: Meshulamu, Maluki, Adaia, Jashubu, Sheali, na Jeremothi.

³⁰ Mbarî ya Pahathi Moabu nî: Adina, Kelali, Benaia, Maaseia, Matania, Bezaleli, Binui na Manase.

³¹ Mbarî ya Harimu nî: Eliezeri, Ishija, Malikija, Shamaia, Shimeoni,

³² Benjamini, Maluki, na Shemaria.

³³ Mbarî ya Hashumu nî: Matenai, Matata, Zabadi, Elifeleti, Jeremai, Manase, na Shimei.

³⁴ Mbarî ya Bani nî: Maadai, Amuramu, Ueli,

³⁵ Benaia, Bedeia, Keluhi,

³⁶ Vania, Meremothi, Eliashibu,

³⁷ Matania, Matenai, na Jaasu.

³⁸ Mbarî ya Binui nî: Shimei,

³⁹ Shelemia, Nathani, Adaia,

⁴⁰ Makinadebai, Shashai, Sharai,

⁴¹ Azareli, Shelemia, Shemaria,

⁴² Shalumi, Amaria, na Josefu.

⁴³ Mbarî ya Nebo nî: Jeieli, Matithia, Zabadi, Zebina, Jadai, Joeli, na Benaia.

⁴⁴ Andû aya onthe nîmaavikîtie aka ageni na nîmaamengatire vamwe na ciana ciao.