Ezek 15 - ÎVUKU RÎA ÛVORO MWARO

Ngerekano ya Mûthavibu

¹ Ngai-Mûnene nîwambîrire atîrî,

² “Mûndû, mûtî wa mûthavibu nî mwaro gûkîra mîtî îrîa îngî ya kîthakarî? Rûvûa rwaguo nî rwaro gûkîra mvûa cia mîtî îo îngî?

³ Nwa ûrûvûthîre kûthondeka kîndû? Andû nwa mathondeke gîkingi Kîamguo nîguo mavote kwoverera kîndû vo?

⁴ Vandû va ûguo, nîwikagua mwakirî nîguo mwaki wakane mûno. Rûngîvîa mîena yonthe rûkîrûngûra, nwa ûthondeke kîndû kuumana naguo?

⁵ Rîrîa ûtaarî mûvîu ndwarî na vata, na rîu ûvîte na ûkarûngûra ndûrî na vata wanarî vanini.”

⁶ Kwoguo, Ngai-Mûnene arauga atîrî, “Wata ûrîa mûtî wa mûthavibu wocagwa kîthakarî na ûgaikua riiko nîguo mwaki wakane, nwaguo ngooca andû arîa matûûraga Jerusalemu,

⁷ na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

⁸ Nîngaatûma vûrûri wao ûtuîke werû ûtangîkûra kîndû, nîûndû nîmaregete kwathîka.” Ûguo nîguo Ngai-Mûnene augîte.