2Mak 12 - ÎVUKU RÎA ÛVORO MWARO

Ayahudi a Jopa nîmaaûragirwe

¹ Rîrîa kîrîkanîro Kîam Ayahudi na andû a Sîria gîa gwîkarania na thayû Kîamrîkanîrwe, Lîsia nîwacokire kûrî mûthamaki nao Ayahudi makîthiî wîrarî wao wa kûrîma.

² Nwatî anene a kûndû kûmwe na kûmwe nîmaagiririe Ayahudi mekara marî na thayû na mavorerete. Anene acio maarî Timotheo, Apoloni mûvîcî wa Genaeu, Hieronimu, na Demofoni, na Nikanoru ûrîa warî mûnene wa athigari a kûrîvwa arîa maaumîte Kuporo.

³ Kavindarî wa kau andû a Jopa nîmeekire Ayahudi arîa maatûûraga îtûûrarî rîao gîîko Kîamrî gîcûku mûno. Nîmeetuire arata a Ayahudi na magîcoka magîta Ayahudi acio vamwe na andû ao mathiî merirî irîa maavarîrîtie ta andû makûthiî rûgendo. Meekire ûguo matakwonania takwa kwarî na ûndû mûcûku.

⁴ Andû onthe nîmeetîkanîrîtie ûndû ûcio, kwoguo Ayahudi matiecirîria ûndû mûcûku. Nîmeetîkirie nîûndû nîmeendaga gwîkarania na thayû. Andû a Jopa nîmaamocire na makîthiî nao îriarî. Na rîrîa maakinyire kûrîa îria rîarikîrîte nîmaamaikirie kûu îriarî. Ayahudi makîria ya ngiri magana maîrî (200,000) nîmaaûrîre manjîrî.

⁵ Rîrîa Judasi eeguire maûndû marîa meekîkîte kûrî andû ao, nîwamenyithirie andû ake.

⁶ Nîmaacokire makîvoya Ngai ûrîa ûtucaga ciira na kîvooto na makîtharîkîra aûragani acio, na ûtukû makîvîvia kûrîa meri ciarûngamaga na makîvîvia meri na makîûraga andû arîa onthe maathiîte kwîthitha kûu merirî.

⁷ Nîwacokire nîûndû ivingo cia îtûûra rîa Jopa ciarî mvinge na akîvanga agaaûka vîndî îngî nîguo athirie andû onthe a îtûûra rîu.

⁸ Nwatî rîrîa Judasi aamenyire atî andû a Jamunia maarî na mûvango ta ûcio wa kûraga Ayahudi arîa maatûûranagia nao,

⁹ nîwatharîkîre andû a Jamunia ûtukû, akîvîvia kûrîa meri ciarûngamaga na akîvîvia meri ciao. Nînîmbî cia mwaki ûcio nîcionirwe nî andû marî Jerusalemu kûndû kwarî ûraca wa kilomita mîrongo îtano (50).

Ûvootani wa Judasi vûrûrirî wa Gileadi

¹⁰ Judasi na athigari ake a mbaara nîmaambîrîrie rûgendo mathiîte kûrûa na Timotheo. Rîrîa mathiîre vandû va kilomita igîrî kuuma Jamunia nîmaatharîkîrwe nî Arabu ngiri ithano (5,000) marî na athigari a mbaara arîa maathiîcaga matûîte mbarathi magana matano (500).

¹¹ Vuva wa kûrûa mbaara yarî nene mûno, nîûndû wa ûtethio wa Ngai, Judasi na andû ake nîmaavootanire. Andû acio a kûrûra werûrî maavootirwe nîmaathaithire Judasi etîkîre matuîke arata a Ayahudi na makîmwîragîra kûmûva nyamû cia kûrîthua na gûtethia andû ake na njîra cionthe.

¹² Judasi nîwonire takwa ûrata ûcio ûngîtuîka mwaro kûrî Ayahudi na njîra nyîngî, kwoguo nîwetîkîrire mathondeke kîrîkanîro Kîam thayû nao. Marîkia gwîka ûguo Ayahudi nîmaacokire magemarî mao.

¹³ Judasi nîwatharîkîre wana Kasipini îtûûra rîarî rîtume na nthingo cia vinya mûno cia kûrîgitîra. Andû arîa maatûûraga îtûûra rîu maarî a kuuma mavûrûrirî meengî.

¹⁴ Andû acio meevokete atî nthingo cia vinya irîa ciagitîrîte îtûûra rîu na irio nyîngî irîa maaigîte cia kûmegana kavinda wa konthe karîa mangîathiûrûrûkîrue nî nthû. Kwoguo nîmaathekerere Judasi na andû ake, makîmaruma na makîaria maûndû macûku megiî Ngai.

¹⁵ Nwatî Judasi na andû ake nîmaavoire Mwathani Mwene Vinya Wonthe, Ngai wa îgûrû na nthî ûrîa vîndî ya Joshua wamomorire nthingo cia îtûûra rîa Jeriko atarî na indo cia mbaara. Nîmaacokire makîtharîkîra rûthingo rûu na vinya mûno.

¹⁶ Nîmaanyitire îtûûra rîu kwa wendi wa Ngai, na makîûraga andû eengî mûno nginya îria rîarî vakuvî na vau rîa wariî wa mita magana maîrî ma mîrongo îtano (250) rîkîoneka ta rîecûrîte nthakame.

Judasi nîwavootire athigari a mbaara a Timotheo

¹⁷ Kuuma îtûûrarî rîa Kasipini Judasi na athigari ake a mbaara nîmaathiîre rûgendo rwa kilomita îgana rîa mîrongo îtano (150) magîkinya Karakisi kûndû gwatûûragwa nî Ayahudi vakuvî na îtûûra rîa Tobu.

¹⁸ Matiethîra Timotheo kûndû kûu nîûndû nîwaumîte kuo na akathiî na ndarî ûndû eekîte wana ethîrwa kûrî vandû aatigîte gîkundi kînene Kîam athigari a mbaara maarî na vinya mûno.

¹⁹ Dositheu na Sosipateri, anene aîrî a athigari a mbaara a Judasi nîmaathiîre na makîtharîkîra kûu athigari maarî na makîûraga athigari makîria ya ngiri îkûmi (10,000).

²⁰ Judasi Makabii nîwagaanirie athigari ake a mbaara ikundi ikundi na akîva wa gîkundi mûtongoria. Nîmaacokire makîrûmîrîria Timotheo na îvenya. Timotheo vîndî îo aarî na athigari arîa maathiîcaga na magûrû ngiri îgana rîa mîrongo îîrî (120,000), na athigari arîa maathiîcaga matûîte mbarathi ngiri igîrî na magana matano (2,500).

²¹ Rîrîa Timotheo aamenyire atî Judasi nîwamûrûmîrîrîte, nîwerire aka na ciana mathiî vamwe na mîrigo îrîa maarî nayo îtûûrarî rîetagwa Karinaimu. Îtûûra rîu rîtingîatonyekire kana rîrigicîrue nîûndû njîra irîa ciathiîte kuo ciarî njeke.

²² Nwatî rîrîa gîkundi Kîam mbere Kîam athigari a Judasi Kîamumîrire, nthû nîcianyitirwe nî guoya nîûndû wa kîoneki kîrîa moonirue nî Ngai ûrîa wonaga maûndû monthe. Nîûndû wa guoya nîmaambîrîrie kûra manyaganîtie wa mûndû na njîra yake na eengî ao makîmundangwa nî mviû ciao o ene.

²³ Judasi na athigari ake nîmaavinyûririe nthû icio na îvenya mûno na makîûraga athigari ngiri mîrongo îthatû (30,000).

²⁴ Timotheo ke mwene aanyitirwe nî athigari a Dositheu na a Sosipateri. Nîwavûthîre wara mwîngî na akîmeguithia atî Ayahudi arîa maarî mîgwate nwa mekwe naaî kethîrwa ndakûrekererua.

²⁵ Timotheo nîwamerîrîre akîvîtaga atî nîakûrekereria Ayahudi acio matarî ûndû mûcûku mekîtwe, na nîwacokire akîrekererua akîthiî.

Judasi nîwavootanire rîngî

²⁶ Judasi nîwacokire akîtharîkîra îtûûra rîa Karinaimu na hekarû ya Atarigati ngai ya mûndûmûka, na akîûraga andû ngiri mîrongo îîrî na ithano (25,000).

²⁷ Aarîkia gûcûkangia îtûûra rîu, Judasi nîwathiîre îtûûra rîa Efironi, îtûûra rîarî rîgitîre na nthingo cia vinya mûno. Îtûûrarî rîu nîkuo Lîsia ekaraga na andû kuuma mavûrûrirî meengî. Nao anake maarî na vinya makîvanga mbere ya nthingo icio cia vinya na makîrûa na vinya nîguo marîgitîre. Îtûûrarî rîu kwarî na indo nyîngî mûno cia mbaara.

²⁸ Nwatî Ayahudi nîmaavoire Mwathani ûrîa ûrî vinya wa gûcûkangia vinya wa nthû amatethie. Nîmaanyitire îtûûra rîu na makîûraga andû ngiri mîrongo îîrî na ithano (25,000) arîa maarî kuo.

²⁹ Nîmaaumire kûu maviûvîte na makîthiî Sikithopoli, îtûûra rîarî kilomita îgana rîa mîrongo îîrî (120) kuuma Jerusalemu.

³⁰ Nao Ayahudi arîa maatûûraga îtûûrarî rîu nîmeerire Judasi ûrîa andû a kûu maamekîte maûndû maro na mûno vîndî îrîa maarî thînarî.

³¹ Kwoguo, Judasi na andû ake nîmaacokerie andû a kûu ngatho na makîra andû acio mathiî na mbere gwîka Ayahudi acio maûndû maro. Nîmaacokire makîthiî Jerusalemu nîûndû kîrugo Kîam maketha Kîamrî vakuvî.

Judasi nîwavootire Gorigia

³² Vuva wa kîrugo Kîam maketha kîrîa gîtagwa na Kîngiriki Pentekosto, Judasi na andû ake nîmaathiîre na îvenya nîguo makarûe na Gorigia, mûnene wa vûrûri wa Idumea.

³³ Gorigia aaûkire arî na athigari arîa maathiîte na magûrû ngiri ithatû (3,000), na arîa maathiîte matûîte mbarathi athigari magana mana (400).

³⁴ Vîndî îrîa maarûaga Ayahudi mataarî eengî nîmaaûragirwe.

³⁵ Mûyahudi ûmwe wetagwa Dositheu wa andû a Bakenoru warî na vinya mûno na wathiîcaga atûîte mbarathi, nîwanyitire nguo ya Gorigia na akîmûkîria vinya akîmûkururia. Mworoto wake warî wa kûthiî na mûndû ûcio mwimwa nî iirî ûcio arî mwoyo. Nwatî mûthigari ûmwe wa Thirakia wathiîcaga atûîte mbarathi nîwavinyûranirie na Dositheu na akîmûtinia njara. Kwoguo Gorigia akîvota kûûra na akîthiî îtûûrarî rîa Marisa.

³⁶ Ayahudi nîmaanogire mûno nîûndû nîmethîrîtwe makîrûa îvinda îraca matongoretue nî mûnene wa athigari a mbaara wetagwa Esidiri, nake Judasi nîwavoire Mwathani eyonanie atî arî mwena wao na nîke mûtongoria wao mbaararî îo.

³⁷ Judasi nîwaugîrîrie na rûthiomi rwa Kîyahudi na akiuga mbu ya mbaara. Nao Ayahudi nîmaacokire makîtharîkîra Gorigia na athigari ake matakûmenya na makîmavinyûria.

Mavoya ma kûvoera andû arîa maaûragîrwe mbaararî

³⁸ Judasi nîwacokire na akîgomania athigari ake a mbaara vamwe na makîthiî îtûûrarî rîa Adulamu. Thavatû yarî vakuvî, kwoguo nîmeetheririe kûringana na mîtugo yao na magîkûngûîra thavatû îtûûrarî rîu.

³⁹ Mûthenya ûcio wîngî warûmîrîrîte nîmaaumagarire na makîthiî gwoca mîîrî ya andû arîa maaûragîtwe nîguo makamathike mbîrîrarî cia methe mao.

⁴⁰ Nwatî mîrirî îrîa moocanagia ya andû arîa maakuîte, varî wa kimba nîmeethagîrîria tûmîvuano twa ngai irîa maagoocaga Jamunia. Tûmîvuano ta tûu Ayahudi nîmaagirîtue nî watho gûtûîyova, na andû onthe nîmaamenyire kîrîa gîatûmire andû acio makua.

⁴¹ Kwoguo nîmaakumirie Mwathani ûrîa ûtwithanagia cira na kîvooto na ûguûragia maûndû marîa mathithe,

⁴² na makîvoya Mwathani amarekere mevia mau monthe meekîtwe. Judasi mûndû ûcio warî njamba nîwacokire akîra andû matige kwîvia nîûndû nîmoonire o ene ûrîa gwekîkire nîûndû wa mevia ma andû acio maakuire.

⁴³ Agîcoka akîûngania kuuma kûrî wa mûndû sîlûva ya kilo ngiri igîrî (2,000) na agîitûma Jerusalemu nîûndû wa îgongoona rîa kûthengutîrua mevia. Judasi eekire gîko kîu Kîamrî Kîamro nîûndû nîwetîkîtie atî andû arîa akuû nîmakaariûka.

⁴⁴ Kethîrwa ke ndeetîkîtie atî andû arîa akuû nîmakaariûka, ûngîarî ûndû wa mana na wa ûrimû kûvoera arîa akuû.

⁴⁵ Meciria mau ma Judasi maarî maro na matheru nîûndû ke nîwerîgîrîre îgai rîaro rîa andû arîa makucaga metîkîtie Ngai. Kwoguo nîwarutire îgongoona rîa gûkirîrwa mevia nîguo andû arîa maakuîte makirîrwe mevia mao.