Thaburi 87 - ÎVUKU RÎA ÛVORO MWARO

Gûkumia îtûûra rîa Jerusalemu

¹ Ngai-Mûnene nîatumîte îtûûra rîake îgûrû rîa kîrîma gîake kîtheru.

² Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.

³ We îtûûra rîa Ngai, thikîrîria maûndû ma magegania marîa makwîgiî,

⁴ Misiri na Babuloni nî mamwe ma mavûrûri marîa mambicî; wana andû a Filisiti, Turo na Ethiopia, onthe maaciarîrwe kuo.

⁵ Naguo ûvoro wîgiî Zayuni gûkeragwa atîrî, “Zayuni nîke ng'ina wa ndûrîrî cionthe, na ûrîa Ûrî Îgûrû mûno nîke ûtûmaga rîîvande.

⁶ Ngai-Mûnene nîakaandîka mûtaratara wa andû wa kwonania atî andû onthe maaciarîrwe Zayuni.”

⁷ Aini onthe nîmeinagia makiugaga atîrî, “Zayuni nîkuo kiumo gîetû tuonthe.”