Thaburi 82 - ÎVUKU RÎA ÛVORO MWARO

Ngai nîke mûthamaki ûrîa mûnene

¹ Ngai ekarîrîte gîtî gîake mûcemaniorî wa îgûrû; nî aratuîra ngai ciira igomanîte vamwe:

² “Nî mûthiî na mbere gûtucanîra ciira vatarî kîvooto nginya rî, mûkîonanagie kîmenyano kûrî andû arîa aganu.

³ Gitîrani kîvooto Kîam andû arîa matarî vinya na arîa matarî aciari; onaniani waragania kûrî andû arîa athîni na ngîa.

⁴ Vonokiani andû arîa athîni na arîa matarî vinya, matethûreni kuuma njararî cia andû arîa aganu.

⁵ “Mûtirî na ûmenyo na mûtitaûkagîrwa, mecûrîtwe nî ungumania; kîvooto nîkîriganîrîte gûkû nthî.

⁶ Naaugire atîrî, ‘Mue nîmue ngai icio; mue muonthe mûrî ciana cia ûrîa ûrî Îgûrû Mûno.’

⁷ Kûnarî ûguo, mûgaakua wata ûrîa andû onthe makucaga; mûkaagwa wata ûrîa mûtongoria wawonthe agûcaga.”

⁸ We Ngai, ûka ûtuîrîre nthî ciira; nîûndû mavûrûri monthe ma nthî nî maku.