Thaburi 8 - ÎVUKU RÎA ÛVORO MWARO

Riiri wa Ngai na gîtîîo kîa mûndû

¹ Ûûi Ngai-Mûnene, Mwathani wetû, rîîtwa rîaku nî rînene nthî yonthe! Riiri waku ûkinyîte îgûrû matuurî.

² Ûkumagua nî ciana wana tûkenge, nîwîgitîrîte kuuma kûrî nthû ciaku, nîguo ûthirie andû arîa mareganaga nawe.

³ Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

⁴ mûndû nî ndûî, atî nîguo ûmwîciragie; mûndû wa nthî nî ndûî, atî nîguo ûmûmenyagîrîre?

⁵ Wamûmbire agîtigaria vanini kûvanana nawe, na nîwamwîkîrire nthûmbî ya riiri na gîtîîo.

⁶ We nîwamûthuurire athage indo cionthe irîa waûmbire, nîwaigire indo cionthe irîa waûmbire rungu rwa wathani wake.

⁷ Ng'ondu cionthe na ng'ombe, wana nyamû cia kîthaka,

⁸ iconi cia rîerarî na nthamaki cia îriarî, wana ciûmbe irîa itûûraga îriarî.

⁹ Ûûi Ngai-Mûnene, Mwathani wetû, rîîtwa rîaku nîrîkumagua nthî yonthe!