Thaburi 61 - ÎVUKU RÎA ÛVORO MWARO

Îvoya nîûndû wa ûgitîri

¹ Ûûi Ngai, thikîrîria kîrîro gîakwa, thikîrîria îvoya rîakwa!

² Nîragwîta nîrî mûthiia wa nthî, nîragwîta nthirîte vinya. Ndongoria îthigarî rîa ûgitîri,

³ nîûndû we nîwe ûngitagîra, we nîwe kûndû kûgitîre na vinya gwa kwîthitha kuuma kûrî nthû ciakwa.

⁴ Tiga ndûûre nyombarî yaku tene na tene; nîguo ngîcage na ûgitîri nîrî rungu rwa mathagu maku!

⁵ We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

⁶ Va mûthamaki ûtûûro mûraca; atûûre one njiarwa na njiarwa.

⁷ Arotûûra athanaga arî mbere yaku we Ngai tene na tene; mûgitîre na wendo waku ûtathiraga na wîvokeku waku.

⁸ Kwoguo ngaakwinagîra nyîmbo cia gûgûkumia vîndî cionthe, ngîvingagia ûrîa ngwîrîrîte mûthenya wa mûthenya.