Thaburi 60 - ÎVUKU RÎA ÛVORO MWARO

Îvoya nîûndû wa ûtethio

¹ We Ngai, nîûtûtiganîrîtie, na nîûtûvootete; nîûrakarîte nî tue, nwatî rîu tûcokerere.

² Nîûtûmîte vûrûri winaine na watûkane; cokanîrîria vûrûri rîngî nîûndû nîkwa ûrathira.

³ We nîûtûmîte andû aku manyamare mûno; tûtûgûgaga ta mîrîu ya ndivei.

⁴ Nîûkaanîtie andû arîa magwîtigîrîte, nîguo matigacûkangue.

⁵ Tûvonokie na vinya waku na ûtûthikîrîrie, ûtûvonokie tue andû aku arîa wendete.

⁶ Ngai arî vandû varîa vatheru augîte atîrî, “Nîngagaania Shekemu na ûvootani, na ngaanie Kîanda gîa Sukothu kûrî andû akwa.

⁷ Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, nayo Juda nîyo mûragi wakwa wa ûthamaki.

⁸ Moabu nîyo karaî gakwa ga kwîthambîria; na nîngaaikîria Edomu iratû ciakwa. Nîngaaugîrîria nîûndû wa kûvoota vûrûri wa Filisiti.”

⁹ Nû ûkaamvira îtûûrarî rîrîa rîgitîre? Nû ûkaandongoreria kûthiî Edomu?

¹⁰ We Ngai, nîkwa ûtûtiganîrîtie? Ndûngîthiîcania na athigari etû makîthiî kûrûa na nthû cietû?

¹¹ Ûûi, tûtethie kûrûa na nthû; nîûndû ûtethio wa andû nî wa mana.

¹² Ngai arî mwena wetû nî tûkaavootana; nîke ûkaavoota nthû cietû.