Thaburi 53 - ÎVUKU RÎA ÛVORO MWARO

Waganu wa andû

¹ 1 Irimû ciîîraga na ngoro atîrî, “Ngai ndarî vata.” Onthe marî mîtugo ya waganu, na nîmekîte maûndû macûku mûno; gûtirî wanarî ûmwe wîkaga waro.

² Ngai arî îgûrû nîaroragia andû gûkû nthî, nîguo one kana kûrî wanarî andû aûgî, kana kûrî wanarî andû mamûgoocaga.

³ Nwatî onthe nîmavîtîtie, nîmekîte naaî onthe, gûtirî wanarî ûmwe wao wîkaga waro, gûtirî wanarî ûmwe.

⁴ Ngai araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio; na matingoocaga.”

⁵ Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

⁶ Naarî kethîrwa ûvonokio wa andû a Isiraeli ûkaauma Zayuni, rîrîa Ngai agaatûma andû a Isiraeli magacîre. Njiarwa cia Jakovu nîigaakena, andû a Isiraeli nîmagaakûngûîra.