Thaburi 50 - ÎVUKU RÎA ÛVORO MWARO

Njîra ya ma ya kûgooca Ngai

¹ Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

² Ngai nîarakenga arî Zayuni, îtûûra rîrîa rîthaka mûno.

³ Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

⁴ Nîareta îgûrû na nthî ituîke aira, cione agîtuîra andû ake ciira.

⁵ Arauga atîrî, “Nyûnganîria andû arîa evokeku maûke kûrî nie, arîa naarûthire kîrîkanîro nao na njîra ya kîgongoona.”

⁶ Îgûrû nîrîanagîrîra ûthingu wa Ngai, atî Ngai ke mwene nîke mûtucanîri ciira.

⁷ “Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

⁸ Ndiragûtetia nîûndû wa magongoona maku, matega ma kûvîvua marîa ûndutagîra vîndî cionthe.

⁹ Ndirî na vata wa ndegwa kuuma mîgûndarî yaku kana nthenge kuuma ndîthiarî ciaku;

¹⁰ nîûndû nyamû cionthe cia kîthaka nî ciakwa, na ng'ombe ngiri nyîngî irîa irî irîmarî nî ciakwa.

¹¹ Iconi cionthe cia rîerarî nî ciakwa, na indo cionthe irî mwoyo irîa irî mîgûndarî nî ciakwa.

¹² “Nîngîrî mûvûtu, ndingîmwîtia irio, nîûndû nthî na indo cionthe irîa irî kuo nî ciakwa.

¹³ Nîkwa ndîcaga nyama cia ndegwa, kana nganyua nthakame ya mbûri?

¹⁴ Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

¹⁵ Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

¹⁶ Nwatî Ngai arera andû arîa aganu atîrî, “Mûgwetaga maathani makwa nîkî? Waragia ûvoro wa kîrîkanîro gîakwa nîkî?

¹⁷ Nîûregaga ngûtaare; ndwendaga kûrûmîrîra mawatho makwa.

¹⁸ Wona mwîi ûtuîkaga mûrata wake, na ûkanyitanîra na andû arîa mekaga maûndû ma ûtharia.

¹⁹ “Wîthagîrwa vîndî cionthe wîvarîrîtie kwaria maûndû macûku, ndwîtigagîra ûkîaria maveeni.

²⁰ Nîwaragia maûndû macûku îgûrû rîgiî mûndû ûrîa wîngî, na ûgacambia mûrwanyûkwe.

²¹ Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

²² “Îcirieni ûvoro ûyû, mue mûtatindanagîra nanie, mwarega nîmûcûkangie, na gûtirî mûndû ûkaamûvonokia.

²³ Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”