Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Thaburi 47 - ÎVUKU RÎA ÛVORO MWARO


Ngai, mûthamaki wa nthî yonthe

1 Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

2 Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

3 Nîke watûvotithirie kûvoota ndûrîrî; na agîtûma twathe mavûrûri.

4 Ngai-Mûnene nîwatûthuurîre vûrûri ûrîa tûtûûraga, îgai rîrîa andû ake arîa endete metîîagîra.

5 Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

6 Inîrani Ngai nyîmbo cia kûmûkumia, mwinîreni! Inani mûthamaki wetû nyîmbo cia kûmûkumia, mwinîreni!

7 Ngai nî mûthamaki wa nthî yonthe; mûkumieni na nyîmbo!

8 Ngai athaga mavûrûri monthe, ekaragîra gîtî gîake kîtheru Kîam ûthamaki.

9 Atongoria a mavûrûri nîmagomanîte, magomanîte vamwe na andû a Ngai wa Iburahimu, nîûndû arî vinya gûkîra athigari onthe a mbaara; nîatîîtwe gûkîra athani onthe.

©Bible Society of Kenya, 2019

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ