Thaburi 36 - ÎVUKU RÎA ÛVORO MWARO

Waganu wa andû

¹ Wîvia nîwaragîria mûndû mwaganu ndaarî ya ngoro yake; nîareganaga na Ngai na ndamûtîîaga.

² Nîûndû nîeciragia ûvoro wa ûrîa arî mwaro mûno, Ngai ndangîmenya mevia make na amûverithie.

³ Aragia maûndû macûku na ma maveeni; nîatigîte gwîka maûndû na ûûgî na gwîka maûndû maro.

⁴ Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Wega wa Ngai

⁵ We Ngai-Mûnene, wendo waku ûtathiraga ûkinyîte îgûrû; wîvokeku waku ûkinyîte matuurî.

⁶ Ûthingu waku wîkariî ta irîma nene; waragania waku nî ta îria îriku mûno. We Ngai-Mûnene, nîwe ûgitagîra andû na nyamû.

⁷ We Ngai, kaî wendo waku ûtathiraga nî mwaro-î! Andû methithaga kîrururî Kîam mathagu maku.

⁸ Marîcaga irio nyîngî irîa ûmavecaga; na nîûmavecaga gîa kûnyua kuuma rûnjîrî rwa wega waku.

⁹ We nîwe ûvecanaga ûtûûro, na ûtheri waku nîguo ûtûmaga twone ûtheri.

¹⁰ Thiî na mbere kwonia wendo ûtathiraga arîa magwicî, na gwîka andû arîa athingu maûndû maro.

¹¹ Ndûgetîkîrie andû arîa etîi mantharîkîre kana andû arîa aganu mambinyûrie.

¹² Taroria kûrîa eki naaî magwîte, mamamîte nthî, na matingîvota gûkîra.